Madiu 12:25 - Loina Tabu Auwauna NT

²⁵ Ta Yesu 'idi nuwanuwa ni'atu 'imwalatonina ga 'ieonedi, 'igwae, “Bielisibubi tauna gosenao geya'abo 'iulaula apwesedi.” Ta wate 'igwae, “'Eguma 'ebweu 'ebeloina 'enaya tomotai siweweyala be taudimo silosalosaiya, ma'etamo 'ebeloina nina 'ineneta be 'ibebe'u. 'Asa nai susu wate nadigega, 'abo soladiya weyala 'iapwesa, ma'etamo sineneta be sibebe'u.

Madiu 12:25 Referans Kwoze

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

1 Kolinita 2:11

Tada nuwa'i'isi 'abo'ada tomota, manuna 'abo yaita tai ma ina nuwanuwa kwaikwaiyina, tai nina tauna yaluyaluwana 'imwalamwalatoni. Nadigega wate Yaubada Yaluyaluwana taunamo 'ina nuwanuwa 'imwalamwalatoni.

Madiu 9:4

'Idi nuwanuwa Yesu ni'atu 'imwalatonina ga 'ieonedi, 'igwae, “To'ase manuna 'atemiyega wanuwanuwa to'umalina?

E'ita'ita 16:19

'Enega 'asa sinabwana nina 'ieweyalina, ga 'ana weyalao 'etoi siapwesa. Ga sena maibo'ana 'ediya mwani'ini'i nina 'idi 'asao 'igieto'umaliyedi, ta 'asa sinabwana 'ana esana Babiloni 'ina to'umalina Yaubada 'inuwa'i'isina, ga 'ina keiga 'enega oine 'ienumena, ta oine nina nate 'ina gamwasowala sinabwana oinena.

Ibeliu 4:13

Manuna Yaubada matanaya nigeya 'ebweu wate yage 'ida miya kwaiya, maibo'adi silo'atamanedi, ta tauna 'ena ma'etamo 'ida guinuwa maibo'ana tasimanedi.

Maki 2:8

Ta Yesu ni'atu 'atenaya 'idi nuwanuwa 'imwalatonina, 'enega 'ieonedi, “To'ase manuna nate nadigega wanuwanuwa'esa?

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.

Yoni 21:17

Ta Yesu wate 'ina ona 'etonina Pita 'ena 'igwae, “Saimoni, 'oyo Yoni natuna, 'uobobomeguya?” Ga gote 'ena Pita nuwana 'imwau, manuna Yesu 'ienaenaida matoi 'enaya, 'igwae, “'Uobobomeguya?” Ta Pita 'iona limana ga 'ena 'igwae, “'Inapwana yage yauyauna 'umwalamwalatonidi, 'enega 'umwalatonigu 'aene yaobobomemu.” Ga Yesu wate 'ena 'iona, 'igwae, “'Igu sipiyao 'u'ita'i'isidi.