Madiu 12:23 - Loina Tabu Auwauna NT

²³ 'Enega tomota yaudi nuwadi 'iowana ga sigwae, “Tai gete To'etoseyana, Debida 'ina susuyega, nai?”

Madiu 12:23 Referans Kwoze

Madiu 9:27

Sena gote 'enega Yesu 'itautauya ta tomata kebokebo 'eluwa simulimuliyei ta sibwaubwau 'enadi sinabwana 'enega sigwaegwae, “Debida tubuna ye, 'uda 'atenuwa 'ole'oleyema!”

Yoni 4:29

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”

Madiu 21:9

Ta 'aina boda Yesu sianuganena, ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki Debida tubuna ye, 'Inapwana 'ana esanega 'umai sabi 'etoseyema, 'enega tauna Toloetana sana 'atuputupu.”

Madiu 9:33

Ta 'enega Yesu yaluyaluwa bi'i 'iula apwesena, ga tai nina 'ibobo'ana ga 'ionaona. Ta pwalu ma idi gwausowala Yesu si'awa bobo'anena, ta sigwae, “Nigeya 'ebweu yaita 'ina guinuwa gete nadigega tada 'itena Isileli solanaya.”

Madiu 15:22

Ta sena nina 'enega Kenani wainena 'ebweu 'iapwesa ga Yesu 'ieonena, 'igwae, “'Inapwana, 'oyo Debida 'ina susu, 'uda 'atenuwa 'ole'oleyegu, manuna natugu mewainena ni'atu yaluyaluwa bi'i 'igiekabaleyena,”

Madiu 7:28

Tuta nina e'ita getedi Yesu 'ilosalonidi ga boda nidi nuwadi 'iowana,