Luke 9:50 - Loina Tabu Auwauna NT

⁵⁰ Ta Yesu 'igwae, “Geya'abo wa'eto'etobode! Manuna 'abo yaita tauna nigeya 'ietaetalauwalemi, tauna 'ami tolema.”

Luke 9:50 Referans Kwoze

Luke 11:23

“'Eguma yaisigedi taudi nigeya 'agu tolemao, taudi 'agu talauwalao. Ta wate yaisigedi taudi nigeya ma'egwao 'ada paisewa egogonaya, taudi 'igu paisewa sigiegie to'umaliye.

Madiu 12:30

“'Eguma yaisigedi taudi nigeya 'agu tolemao, taudi 'agu talauwalao. Ta wate yaisigedi taudi nigeya ma'egwao 'ada paisewa egogonaya, taudi 'igu paisewa sigiegie to'umaliye.

1 Kolinita 12:3

Ta esi gete tuga 'abo yaisigedi 'omi Yaubada Yaluyaluwana 'emiya 'imiyami, geya'abo Yesu walo'alo'aegile, ta esi wada 'awa'Inapwane, manuna nigeya 'ebweu yaita sawesawenaya be Yesu 'i'awa'Inapwane 'abo nigeya Yaluyaluwa Tabuna 'ena 'imiyami.

Luke 16:13

“'Enega toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awa bobo'ane ta 'ebweuna 'i'awa to'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.”

Maki 9:41

“Ta wate wada nuwa'i'isi 'aene 'eguma tona'ami 'iyapayapasa be 'ebweu yaita 'ienumami manuna 'omi Keliso 'ina bodao, tauna 'ana pali bobo'ana ma'etamo 'iloba.

Madiu 17:26

'Enega Pita 'igwae, “Mali tomota 'ediyega.” Ga Yesu wate 'iona limana, 'igwae, “Ona'ai'aila! Ta esi taudi natudiyao nigeya 'adi mwaumo.

Madiu 17:24

Muliyega sitauya Kapaneumi 'enaya, ta takisi Anuwa Tabu manuna 'ana toegogonao simai ga Pita 'ena sigwae, “Mwa'adega, sawesawenaya be 'imu toe'ita nina 'itakisi, nai nigeya?”

Maki 9:38

Ta Yoni 'ilolagata ga 'igwae, “'Inapwana, 'ebweu tai 'a'itena 'amu esanega yaluyaluwa bi'i 'iulaula apwesedi, 'enega 'a'etobodena, manuna tai nina nigeya 'ida boda.”