Luke 9:12 - Loina Tabu Auwauna NT

¹² Simiyami ga sinala 'isuguwa, ta site tuwelo nidi simai ga Yesu sieonena, sigwae, “'Inapwana, boda getedi 'uda etunedi be siila 'asa selabedaya 'ediya, be nada masula be 'ebe'eno si'ebesa, be 'enega 'ediya sieyawai'ata. Manuna bada sa'i sena mwatui daita.”

Luke 9:12 Referans Kwoze

Madiu 15:23

Ta Yesu waine nina 'ina bwau nigeya 'ie'ie'isa, 'enega 'ina tononoyao simai ga Yesu sisidena, sigwae, “Waine nina 'ue'idi'idiye be 'itatauya, manuna 'ibwaubwau wawasae.”

Yoni 6:1

(1,4) 'Enega tuta muliyega ta tuta nina 'ena ni'atu selabenaya be me Yudia 'idi Ataona Sagalina siguinuwe, ga Yesu Galili le'awinaya 'imiyami, ta ola nina 'ana esana 'eluwena Taibilia. Ta Yesu 'igelu ga 'iabala mali esenaya.

Madiu 15:32

'Enega Yesu 'ina tononoyao 'ibwauyedima ga 'ieonedi, “Boda getedi ya'atenuwa 'ole'oleyedi, manuna ni'atu 'asiyata 'etoi bada ma'egwao 'amiyami ta nigeya 'adi masulamo, ta geya nuwagu be mabotanidi yaetune iledi 'abona nai 'edaya sitatai.”

Madiu 14:13

Ta Yesu yage gete 'inonona, 'enega 'iapwesa ga waga 'igeluna ga 'itauya sena mwatui daitaya. Ta boda Yesu 'ina tauya alena sinonona, 'enega 'idi 'asa 'ediyega siapwesa ga 'edega sitauya Yesu 'enaya.

Luke 9:11

Ta nigeya sawesawediya, manuna boda ale sinonona, ga wate Yesu nina simuliyena ga simai 'enaya. 'Enega Yesu 'ediya 'itagwala ga Yaubada 'ina loina manuna 'ie'itedi, ta wate 'adi le'oasao 'igie bobo'anedi.

Luke 9:13

'Enega Yesu 'ediya 'igwae, “Mwa'adega, 'omi geya'abo wae'enidi, aga?” Ta taudi sigwae, “Mwa'adega sana batu 'a'e'ai'esedi? Manuna 'ama masula nigeya yauna. Beledi nima ta iyana 'eluwa situpwa. Nai nuwanuwayo 'aene 'atatauya be boda nidi 'adi masula 'agimwane, aga?”

Pilipai 1:19

Ta wate yada gwausowala, manuna yamwalamwalatoni 'aene Yesu Keliso yaluyaluwana 'ina lema 'enega, be 'imi sidasidao manugu 'ediyega, sida li'amigu miyamwau gete 'enega.