Luke 7:41 - Loina Tabu Auwauna NT

⁴¹ 'Enega Yesu 'igwae, “'Ebweu toesaesa ta tomota 'eluwa 'igie lowagedi, 'ebweuna 'ina lowaga nadigega paibi analedi kina, ta 'ebweu nadigega pipiti kina.

Luke 7:41 Referans Kwoze

Luke 7:47

Tauna 'ina to'umalinao yaudi ni'atu yanuwataudi, 'enega 'iobobomegu sinabwana, ta esi 'abo yaita 'ina to'umalina gidalina be yanuwatau, 'ina oboboma 'eguya wate gidalina.”

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Madiu 18:28

“'Iapwesa ga gosiyana 'ebweuna 'ilobena, ta gosiyanana 'ina lowaga toea analedi namo, ga gosiyana 'otonaya 'igiyaina ga 'ididigena, 'igwae, ‘Gete tuga 'imu lowaga 'eguya 'uyotuli!’

Madiu 6:12

Ta 'ima bubuna to'umalina 'uda nuwataudi, nadigega 'abo'ama wate gosemao 'idi bubuna to'umalina 'emaya 'anuwataudi.

Loma 3:23

Manuna maibo'ada toto'umalida, ga tamiya 'edasola Yaubada 'ina maedana 'enega,

Luke 11:4

Ta 'ima bubuna to'umalina 'uda nuwataudi, manuna gosemao 'idi to'umalina 'emaya 'anuwataudi. Ta esi geya'abo 'utootooma.

Luke 13:4

“Ta mwa'adega 'imi nuwanuwa taudi me Sailoma site eitini nidi manudi, tuta nina anuwa nina sinabwana 'ibe'u ga 'iloemwawasidi, 'aene taudi 'idi bubuna to'umalina sinabwa wawasae me Yelusalema maibo'adi 'ediyega, ga 'enega esilae nina silobenaya?

Luke 12:48

Ta 'abo yaita 'ina 'inapwana 'ina nuwanuwa nigeya 'imwalamwalatoni, ta 'iguinuwa gesi, 'iabe 'ana loina 'iloba, ta nigeya sinabwana. Ta wate nadigega 'abo 'ali'ei 'ana egueguyai sinabwana, 'ilobwenena be 'ina 'inapwana manuna 'ida paisewa sinabwana; ta 'eguma 'ana egueguyai sinabwa wawasae 'ida paisewa sinabwa wawasae.

Maki 6:37

Ta Yesu 'ieonedi, 'igwae, “Ta mwa'adega? 'Omi geya'abo wae'enidi, aga?” Ta 'ina tononoyao sigwae, “'Inapwana, nigeya sawesawemaya, manuna maibo'adi 'adi masula 'ana maisa nai tu analedi kina nadigega.”

Luke 7:40

Ta Yesu 'ilolagata ga 'igwae, “Saimoni, nuwanuwagu be 'ebweu yage yasimane 'emuya.” Ga Saimoni 'igwae, “'Inapwana, to yage? 'Uda eoneguma.”