Luke 7:39 - Loina Tabu Auwauna NT

³⁹ 'Enega Palisi nina taunamo 'ena 'inuwanuwa kwaiya 'igwae, “Tai gete, 'eguma tauna palopita, 'ida mwalatoni waine gete 'igitogitoona tauna toto'umalina.”

Luke 7:39 Referans Kwoze

Luke 7:16

Gote 'ena tomotai nidi simatauta ga Yaubada situpuna, sigwae, “Palopita sinabwana ni'atu gete 'iapwesama. Gete Yaubada 'ina ayausa 'abo'ada 'ina tomotaiyao 'edaya.”

Luke 15:2

'Enega Palisiyao be loina 'ana toe'itao silomugi, sigwae, “Tai gete toto'umalidi 'iegosigosiyanedi ta wate ma'enao si'e'ai.”

Maki 7:21

nadigega nuwanuwa to'umalidi be loyawe, 'ipwala, loemwawasa,

Yoni 9:24

'Enega wate tomata kebokebo nina sibwau limena ga sieonena, sigwae, “'Usimana palupalu 'emaya, manuna tai nina 'amwalamwalatoni 'aene tauna toto'umalina.”

Yoni 7:12

Ga gote 'ena tomota yau wawasae taudimo 'ediya silomulomugi Yesu manuna, ga 'aidi sigwae, “Tauna tai bobo'ana,” ta 'aidi sigwae, “Nigeya! Tauna tai nina kabo 'alena, tomota 'iwasewasegigiyedi.”

Yoni 4:19

Gote 'ena waine Yesu 'ina ona 'ie'isena ga 'igwae, “'Inapwana, ni'atu yamwalatonimu 'aene 'oyo palopita 'ebweu.

Luke 18:4

“Tuta 'ebweuna 'ebweuna nadigega 'ina guinuwa, ta toloina nina geya nuwana be 'ileme. Ga 'ebweu tuta 'enaya toloina nina 'ie'oata'oata, 'enega taunamo 'ena 'igwae, ‘Tuwa tuga Yaubada nigeya yamatamataute ta wate tomota nigeya yada 'amayabedi,

Luke 16:3

“'Enega to'ita'i'ita nina 'inuwanuwa, 'igwae, ‘Mwa'adega batu yaguinuwa'esa, manuna ni'atu 'igu 'inapwana 'ie'idi'idiyegu? Manuna nigeya kapekapeyana be yababagula, ta wate omayamaya 'abo yatautauya tomota 'ediya be masula manuna yaesidasida.’

Luke 7:37

Ta 'asa gote 'enaya 'ebweu waine toto'umalina 'imiyami. Waine nina ni'atu 'imwalamwalatoni 'aene Palisi 'ina anuwaya Yesu 'i'e'ai. 'Enega bunama bobo'ana ma 'ana atu bobo'ana wawasae 'ime'ena,

Luke 3:8

'Enega 'ilobwenemi be 'imi nuwa'ebuni 'ai'aila wada e'itae 'imi guinuwa bobo'adi 'ediyega. Ta geya'abo waonaona 'aene 'omi Ebelaamo tubunao 'enega Yaubada 'ida 'atenuwa 'ole'oleyemi. Nigeya sa'i! Ta wa'ita, Yaubada sawesawenaya be gulewa getedi 'ediyega Ebelaamo tubunao 'imweluluidi.

Luke 12:17

'Enega tai nina taunamo 'inuwa edaedadama, ga 'igwae, ‘Sesoi sinabwana ta 'igu anuwa masula nigeya sawesawediya. 'Enega to'ase yaguinuwe?

Madiu 20:16

'Enega taudi simulimuliya ma'etamo sida nugana ta taudi sinuganugana ma'etamo simuliya.”

Madiu 21:11

Ta 'ana 'oayabuyao tomota nidi 'idi ona sie'isena, sigwae, “Gete palopita, goma Nasaleta, 'ana esana Yesu, ta Galili 'ina 'ebeloina 'enega 'imai.”

Luke 7:38

ga Yesu deinaya 'itoolo ga 'idedoi ga mataselunega Yesu 'aena 'iepwasena, ga 'uya'uyanega 'aena 'ilo'i'ilidi, manuna waine nina 'uya'uyana dudulana, ta wate Yesu 'aena 'i'awamuidi ga bunama nina 'isiwena Yesu 'aenaya.

Luke 7:40

Ta Yesu 'ilolagata ga 'igwae, “Saimoni, nuwanuwagu be 'ebweu yage yasimane 'emuya.” Ga Saimoni 'igwae, “'Inapwana, to yage? 'Uda eoneguma.”