Luke 6:7 - Loina Tabu Auwauna NT

⁷ Ta wate 'aidi loina 'ana toe'itao be Palisiyao simiyami, ta Yesu silomata'i'isi be 'abo tai nina 'igiebobo'ane Sabate 'enaya, ma'etamo 'enega sida e'ewa toloina matanaya.

Luke 6:7 Referans Kwoze

Luke 20:20

'Enega tuta yauna Yesu siloomata'i'isi be 'aene to'ase 'ina loegesi siloba, be 'enega sisimana toloina 'enaya be 'ietalae, 'enega tomota 'aidi sietunedi Yesu 'enaya be enaidega sikaboe be 'aene 'ina loegesi siloba.

Luke 13:14

Gote 'ena anuwa tapwalolo nina 'ana to'ita'i'ita Yesu 'ina guinuwa 'i'itena, ga 'igamwasowala manuna Sabateya le'oasa 'igie bobo'anena, 'enega tai nina 'ilolagata boda 'ediya 'isimana, 'igwae, “Ona'ai'aila, loina tamwalamwalatoni 'aene 'asiyata sikisi 'ediya 'ida guinuwao taguinuwedi. Gete nigeya 'ana 'ita bobo'ana be Sabateya tole'oasao simeema be 'adi le'oasao sabi giebobo'anedi.”

Maki 3:2

Ta Palisiyao Yesu silomata'i'isi, be 'eguma tai nina 'igiebobo'ane Sabate 'enaya ma'etamo 'enega sida e'ewa.

Yoni 9:16

Ga 'aidi Palisiyao sigwae, “Tauna toguinuwa nina nigeya Yaubada 'enega, manuna Sabate 'ana loina nigeya 'ida muliyena.” Ta 'aidi wate sigwae, “Mwa'adega be toto'umalina we'iwe'iyaya gete nadigega 'ida guinuwa'ese? Nai nigeya sawesawenaya, aga?” Gote 'ena weyala 'iapwesa be 'aidi 'idi ona dumadumadi be dumadumadi.

Madiu 5:39

Ta 'abo'agu yaloinemi 'aene geya'abo e'isa, ta esi 'eguma yaita 'ase'ase 'ataiyo 'isapi, geya'abo nimana 'ue'isaile, ta esi gegeumiyo wate 'utagwale be 'isapi.