Luke 4:35 - Loina Tabu Auwauna NT

³⁵ Ta Yesu 'iloinena, 'igwae, “'Ulosa'u, be tai nate 'enega 'uapwesama.” Ga palupaluna boda matadiya yaluyaluwa bi'i nina tai 'iulaena bale'uya ta 'enega yaluyaluwa bi'i 'iapwesa, ta nigeya 'ebweu esilae tai nina 'ilobaloba.

Luke 4:35 Referans Kwoze

Luke 4:41

Ta wate yaudi 'ediyega yaluyaluwa bi'i siapweapwesa ta sibwaubwau, sigwae, “Ona'ai'aila sa'i, 'oyo Yaubada Natuna!” Ga Yesu 'i'etobodedi be geya'abo nadigega sionaona'esa, manuna ni'atu simwalatonina 'aene tauna To'etoseyana nina Yaubada 'enega.

Luke 4:39

'Enega Yesu 'ilugu ga 'ina 'ebe'eno selabenaya 'itoolo, ta le'oasa nina 'iloinena ga 'ina le'oasa 'isaligogo, 'enega waine nina 'itoolo ga 'adi masula 'igibubuna.

Madiu 8:26

Ta 'ieonedi, “To'ase manuna wamatauta? Mwa'adega nigeya 'imi emisamo, aga?” 'Enega 'itoolo ga yagila be lisu 'iba'edi, 'igwae, “Walosa'u!”, ga bwagabwaga maibo'ana 'isiwalowa.

E'ita'ita 12:12

'Enega 'omi tomiya galewa maibo'ami wada gwausowala, ta sa'i 'omi bale'u be ola 'ana tomiyanao mwau sinabwana 'emiya, manuna Seitani ni'atu 'imwa'utawa 'emiya, ta ma ina gamwasowala, manuna 'imwalamwalatoni 'aene 'ina tuta kukupana tuga 'imiyami.”

Luke 11:22

Ta 'abo 'ebweu tai waiwai wawasae 'iapwesama, 'iabe tai nina 'ipa'i be 'ina gwegwe saiya nimanega 'i'ewadi, ta 'ina gwegweyao maibo'adi 'i'ewadi be gosenao 'i'ebwa'edi.

Luke 9:42

Ta ni'atu gwama nina 'imai Yesu 'ena, ga yaluyaluwa bi'i gwama nina 'iula mwa'utena bale'uya ga 'itaiya. 'Enega Yesu 'iloina ga yaluyaluwa nina 'iapwesa ga gwama 'ibobo'ana. Ga muliyega Yesu gwama nina 'i'au'ewena tamana 'ena.

Luke 9:39

Ta tuta yauna 'abo yaluyaluwa bi'i gwama nina 'igiyai, natuguna 'ibwaubwau sinabwana ta 'ana lobwebwai manuna 'itatai ta 'awanega busobuso siapweapwesa. Tuta yauyauna nadigega 'igiegie 'elouyae.

Luke 8:24

'Enega tomotai nidi Yesu silowanowanona ga sigwae, “'Inapwana 'utoolo, 'iabe tadadamana!” 'Enega Yesu 'itoolo ga yagila be lisu 'iba'edi, 'igwae, “Walosa'u!” 'Enega silosa'u ga 'isiwalowa.

Maki 9:26

'Enega yaluyaluwa nina 'imagamagana ga gwama 'ana lobwebwai 'iginaona ga 'idededela sinabwana, ta yaluyaluwa bi'i 'enega 'iapwesa ga 'itauya. Ta boda gwama si'itena 'ana 'ita 'atuwa 'imwawasa, ga simatauta ta sigwae, “Ni'atu 'imwawasa.”

Maki 1:26

'Enega yaluyaluwa bi'i tai nina 'igietaina ga 'idededela ta 'imagana toila ga muliyega yaluyaluwa bi'i tai solanega 'iapwesa.

Madiu 17:18

'Enega Yesu yaluyaluwa bi'i 'iloinena ga lobwebwai gwama nina 'enega 'iapwesa ga 'ibobo'ana limana.

Maki 4:39

'Enega Yesu 'itoolo ga yagila be lisu 'iba'edi, 'igwae, “Tuwa! 'U'emutuyo be 'usiwalowa!” 'Enega yagila 'ipela ga bwagabwaga maibo'ana 'isiwalowa.

Luke 4:23

'Enega 'ieonedi, 'igwae, “Ni'atu yamwalatonimi manuna 'iabe onasemalimali gete 'enega waeonagu be wagwae, ‘'Oyo togile'oasa sa'i, 'enega tauyo 'uda giebobo'aneyo.’ Ta wate 'iabe 'imi ona 'ebweu 'enega waeonagu be wagwae, ‘Guinuwa nidi waiwaidi 'asa Kapaneumi 'enaya 'uguinuwediya, nadigega wate 'uda guinuwa'esedi bada 'ida 'asa gete 'enaya.’