Luke 3:3 - Loina Tabu Auwauna NT

³ Gote 'ena Yoni 'itoolo ga Yolidani senanao 'ediya 'itauya ga tomota 'ediya 'iloguguya, 'igwae, “'Imi guinuwa to'umalidi waguitoyasedi ta yagiebapitaisoemi be 'enega Yaubada 'imi to'umalinao 'ida nuwataudi.”

Luke 3:3 Referans Kwoze

Luke 1:77

ta wate 'ina tomotaiyao 'uemataluwedi be 'aene 'idi bubuna to'umalina 'adi nuwatau 'ediyega 'etoseyana siloba.

Guinuwa 22:16

Ta to'ase sana 'uyamwayamwa? 'Utoolo be 'ana esana 'ubwauye, be 'enega 'ubapitaiso be 'aene 'imu to'umalinao 'uda 'utuyauledi.”

Guinuwa 19:4

Ta Paulo 'ieonedi, “Yoni 'ina giebapitaiso nate nuwa'ebuni bubuna to'umalina 'enega manuna, ta 'iemataluwemi be 'aene wada emise tauna 'etamo mulinega 'imeemai, nate Yesu.”

Guinuwa 13:24

“Ta lowa tuta nina Yesu nigeya 'iapweapwesama, Yoni 'ilooguguya me Isileli 'ediya, be 'idi loegesiyao 'ediyega sida nuwa'ebuni be 'ida giebapitaisoedi,

Yoni 3:26

'Enega toegewagewana nidi Yoni 'enaya sitauya ga sieonena, sigwae, “'Inapwana, 'unuwa'i'isina tai nina lowa Yolidani mali esenaya ma'iyayo, ta 'emaya 'usimana apwesa tai nina manuna, tauna ni'atu tomota gete tuga 'igiegie bapitaisoedi, ga maibo'adi 'ina bapitaiso nuwanuwadi, ga 'enaya sitautauya.”

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Yoni 1:28

Gete yage nidi maibo'adi siapwesa sena Betani 'enaya nate Yoni 'ina 'ebe giebapitaiso senanaya, bwasi Yolidani mali esenaya.

Luke 1:16

Be 'enega tauna me Isileli yaudi 'ida 'au'ewa limedima 'idi 'Inapwana Yaubada 'enaya.

Luke 4:1

'Enega Yaluyaluwa Tabuna Yesu 'iloemaena ga Yolidaniyega Yesu 'i'au'ewena ga 'itauyena sena mitawa daitaya.