Luke 22:16 - Loina Tabu Auwauna NT

¹⁶ Ta ona'ai'aila, 'igu 'e'ai gete 'ana 'ebe losalowa, be geya'abo wate Ataona masulina yalotolotoo lima 'ana laba 'ana mwalatoi 'ai'aila 'ida apwesa Yaubada 'ina 'ebeloina 'enaya.”

Luke 22:16 Referans Kwoze

E'ita'ita 19:9

'Enega anilose nina 'eguya 'igwae, “Ona gete 'uda 'etoladi 'aene ‘Yaisigedi 'omi Yaubada 'ibwauyemi Lami nina 'ina ai sagalina 'enaya, wada gwausowala.’ ” Ta wate anilose nina 'iona limana, ta 'igwae, “Gete Yaubada 'ina ona 'ai'aila.”

Luke 14:15

Ga ni'atu ma'enao si'e'ai ta 'ebweuna 'ediyega ona gete 'inonona ga Yesu 'ieonena, 'igwae, “O nadigega! 'Abo yaisigedi silulugu Yaubada 'ina 'ebeloina 'enaya be si'a'a, sida gwausowala sinabwana.”

Luke 22:30

be 'enega 'omi 'igu 'ebeloina 'enaya ma'egwao tada 'e'ai be tanunuma, be wate 'ebemi esaesa 'ediya wamiyatowa be me Isileli 'idi susuyao tuwelo wada loinedi.”

Guinuwa 10:41

nigeya tomota maibo'adi 'ediya, nate namo 'abo'ama Yaubada 'iesinuwema 'ana tosimanao, 'emaya, ga 'ina toololimana mulinaya 'a'e'ai ta 'anumanuma Yesu nina ma'emai.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Luke 12:37

Ta 'abo matadi pa'alina be sigibugibubudi ta siyamwayamwa be 'ilobadi, 'iabe sida gwausowala sinabwana. Ona'ai'aila 'idi 'inapwana nina 'iabe 'ina 'ali'eiyao nidi 'adi 'oama 'i'ote, ta 'ali'eiyao nidi simiyatowa ta tauna manudi 'ida etopaisewa.

Luke 22:15

ga 'idi 'e'ai solanaya Yesu 'ieonedi, 'igwae, “Nuwanuwagu sinabwana be 'omi ma'egwao Ataona masulina gete tada 'ani be 'enega muliyega 'igu 'elouyao yalobadi.

Luke 22:18

Ta yaeonami tuta gete be mulinaya oine gete geya'abo 'enega yanumanuma limana ga 'ana laba Yaubada 'ina loina 'iapwesa.”