Luke 11:1 - Loina Tabu Auwauna NT

¹ 'Ebweu tuta Yesu tebweuna sena 'ebweuna 'ena 'isidasida. 'Ina sidasida mulinaya 'ina tononoyao sieonena, sigwae, “'Inapwana, sidasida 'ue'itama, nadigega Yoni 'ina tononoyao sidasida 'ie'ita'esedi.”

Luke 11:1 Referans Kwoze

Yude 1:20

Gosegwao, 'ilobwenemi be tapwalolo 'esasena wagiyai'i'isi, be 'enega wada giepa'alimi, be wate Yaluyaluwa Tabuna 'ina waiwaiyega wada sidasida Yaubada 'enaya,

Luke 6:12

Tuta gote 'enaya Yesu 'itu'e 'oyaya ga nada boiboi maibo'ana Yaubada 'ena 'isidasida.

Luke 9:18

'Enega Yesu ma ina tononoyao sitauya, ga muliyega Yesu tebweuna 'imiyami, ga Yaubada 'ena 'isidasida. Ta 'ina sidasida 'igumwalaya ga 'ina tononoyao 'ienaida 'ediya, 'igwae, “Mwa'adega tomota 'idi ona manugu, 'aene 'abo'agu yaita?”

Ibeliu 5:7

Lowa Yesu bale'uya 'imiyami, ma ina dedoi 'isidasida Tamana 'ena, be nuwanuwana mwawasega 'i'etoseye, 'enega 'i'etoseyenaya manuna Yesu Tamana 'i'amayabena.

Luke 9:28

Ona nidi getedi sigumwala ga nadigega wiki 'ebweuna mulinaya, ga Pita be Yoni ta wate Yemesa Yesu 'i'au'ewedi ga ma'enao situ'e 'ebweu 'oya 'ena sabi sidasida Yaubada 'enaya.

Luke 7:13

Gote 'ena Yesu kwabula nina 'i'itena ga 'i'atenuwa 'ole'oleyena ga 'ieonena, “Geya'abo 'udedo.”

Luke 7:19

'Enega 'ina tononoyao 'eluwa 'ibwauyedi ga 'ieonedi, 'igwae, “Watauya be 'inapwana nina waenaide, nai tauna To'etosena nina manuna yaonaona, nai mali tai wate tada yamwa?”

Luke 10:42

ta esi 'ebweuna namo yage sinabwana manuna 'uda nuwanuwa, nadigega tasiyo Meli 'ina esinuwa. Meli nuwanuwana be 'igu ona 'ida nonodi, 'enega geya'abo 'ebweu yaita 'i'eto'etobodei.”

Luke 11:2

'Enega Yesu 'ediya 'igwae, “Gete nadigega wasidasida'esa, wagwae: Tamama, 'amu esana 'a'amayabei, ta 'asideyo be 'oyo 'uda loinema.