Luke 10:16 - Loina Tabu Auwauna NT

¹⁶ 'Enega 'ana tomuliyao nidi 'ediya 'igwae, “'Eguma yaita 'imi ona 'inonodi, nate 'abo'agu 'igu ona 'inonona. Ta 'abo yaita 'iguitoyasemi 'abo'agu wate 'iguitoyasegu, ta wate 'agu Toetune nina 'iguitoyasena.”

Luke 10:16 Referans Kwoze

Yoni 13:20

“Ona'ai'aila, ma'etamo yaetunemi tomota 'ediya be 'abo yaita 'itagwala 'emiya, nate tauna ni'atu 'itagwala 'eguya, ta wate 'itagwala 'agu toetune nina 'enaya.”

Madiu 10:40

“Ta 'omi 'abo yaita 'i'au'ewami, 'abo'agu be 'agu Toetune wate 'i'au'ewema.

1 Tesalonaika 4:8

'Enega 'abo yaita loina nina 'ile'oai, nigeya 'aene tomota 'idi loina, ta esi Yaubada 'ina loina 'ile'oale'oa, manuna Yaluyaluwa Tabuna tauna nuwanuwa 'ana togie'esasa, nate Yaubada 'ina 'ebwaya 'edaya.

Yoni 12:48

Manuna 'abo yaita nai 'oyo 'uguitoyasegu, ta wate 'igu ona 'uguitoyasedi, ma'etamo tuta 'ana 'ebe losalowa 'enaya loina 'uloba, nigeya 'abo'agu 'eguyega, ta esi manuna 'igu ona nina 'uguitoyasena.

Yoni 12:44

Ta Yesu 'enana sinabwana 'enega 'ediya 'igwae, “'Abo yaisigedi 'omi waemisegu, 'agu toetune wate waemisena.

Maki 9:37

'igwae, “'Eguma yaita 'oyo gwama gete nadigega 'uobobome manugu, nate 'abo'agu wate 'uobobomegu, ta nigeya 'aene taugumo 'uobobomegu, ta wate 'agu toetune Yaubada ma'iyagu 'uobobomema.”

Madiu 18:5

“'Enega 'eguma 'ebweu tomota gwama gete nadigega 'i'au'ewa manugu, tauna 'abo'agu wate 'i'au'ewegu.

Guinuwa 5:4

Lowa nigeya 'uegimwaneye, tanowa nina 'oyo 'imu 'ebeloina, ta wate tuta nina 'uegimwaneyena, mani nina 'oyo 'imu 'ebeloina. Ta to'ase manuna 'atemuya 'unuwanuwa ga mani nina manuna 'ukabo? 'Imu kabo gete nigeya tomota 'emaya, ta esi Yaubada 'enaya.”

Luke 9:48

“Gwama gete wa'ita. 'Abo yaita 'oyo gwama gete nadigega manugu 'uobobome, 'oyo nate ni'atu 'uobobomegu, ta wate 'agu Toetune nina ni'atu 'uobobomena. 'Enega 'abo yaita 'emiyega 'ana esana nigeya sinabwana tauna 'iloetana sinemi.”

Galetia 4:14

Ta nigeya wae'idi'idiyegu oogu 'ina neneta manuna, ta esi watagwalemi 'eguya, ga wa'au'eweguya 'atuwa nadigega Yaubada 'ina anilose 'ebweu, nai Yesu Keliso.