Loma 9:7 - Loina Tabu Auwauna NT

⁷ Ta ona'ai'aila, nigeya 'aene Ebelaamo 'ina susuyao maibo'ana Yaubada 'i'awa natunedi, manuna Yaubada ni'atu Ebelaamo 'ieonena, 'igwae, “'Imu susuyao Aisake natunao 'ediyega,” ta esi nigeya Aisake tasina 'enega.

Loma 9:7 Referans Kwoze

Galetia 4:23

'Ali'ei nina 'ana esana Ega, ta mwanena Sela, ga Ega 'ina 'euwana bubuna bale'u 'enega, ta Sela 'ina 'euwana Yaubada 'ina onaupaupa 'enega, ga natuna 'ana esana Aisake.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Luke 3:8

'Enega 'ilobwenemi be 'imi nuwa'ebuni 'ai'aila wada e'itae 'imi guinuwa bobo'adi 'ediyega. Ta geya'abo waonaona 'aene 'omi Ebelaamo tubunao 'enega Yaubada 'ida 'atenuwa 'ole'oleyemi. Nigeya sa'i! Ta wa'ita, Yaubada sawesawenaya be gulewa getedi 'ediyega Ebelaamo tubunao 'imweluluidi.

Yoni 8:33

Ga taudi Yesu sieonena ga sigwae, “'Abo'ama Ebelaamo 'ina susu, 'enega nigeya 'ebweu yaita 'ina loinega 'iyoniyonima. To'ase 'imu ona 'ana mwalatoi tuta nina 'ugwae, ‘Li'ama wada loba’?”

Luke 16:30

Ta esi toesaesa nina 'iona, ‘Tamagu, natei nigeya sawesawenaya. Ta 'abo yaita mwawasega 'itoolo limana be 'itatauya 'ediya, be tauna si'itai, 'enega sida nuwa'ebuni 'ai'aila.’

Madiu 3:9

Ta geya'abo wanuwanuwa laga manuna 'aene 'omi Ebelaamo tubunao, 'enega Yaubada 'ida 'atenuwa 'ole'oleyemi. Nigeya sa'i! Ta wa'ita Yaubada sawesawenaya be gulewa getedi 'ediyega Ebelaamo tubunao 'imweluluidi.

Galetia 4:28

Gosegwao, 'abo'ada Aisake nadigega, manuna Aisake sinana 'imegagala, ta muliyega Yaubada 'ina onaupaupa manuna ga 'ienatuna.