Loma 8:9 - Loina Tabu Auwauna NT

⁹ Ta esi 'omi Yaubada yaluyaluwana 'iloiloinemi, manuna 'emiya 'imiyami, be 'enega taumimo 'imi nuwanuwa nigeya 'iloiloinemi. Manuna 'abo yaita nigeya Keliso yaluyaluwana 'ena 'imiyami, tauna nigeya Keliso 'ina boda.

Loma 8:9 Referans Kwoze

Galetia 4:6

'Enega wate Yaubada Natuna yaluyaluwana 'atedaya 'isa'una, ga Yaubada nina 'i'awa tamanena, 'igwae, “Aba! Tamagu!”

1 Kolinita 3:16

'Enega wada nuwa'i'isi 'aene 'abo'ada Yaubada 'ina Anuwa Tabu, manuna Yaubada Yaluyaluwana 'edaya 'imiyami.

2 Timoti 1:14

Ta Yaluyaluwa Tabuna tauna soladaya 'imiyami, ga mwalatoi 'ai'aila ni'atu 'i'ebwa'emu, 'enega mwalatoi nina 'uda nuwa'i'isi.

1 Kolinita 6:19

'Enega wada nuwa'i'isi 'aene ooda Yaluyaluwa Tabuna 'ina anuwa, manuna Yaluyaluwa Tabuna nina Yaubada 'enega 'imai ga soladaya 'imiyami, 'enega geya'abo tauda taloiloineda, ta esi Yaubada 'ida loineda.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

Yoni 14:17

Ta me bale'u nigeya sawesawediya be Yaluyaluwa nina 'ena sitatagwala, manuna 'ana 'ita nigeya sida 'itena ta nigeya sida mwalatonina. Ta esi tolema nina wamwalatonina 'aene tuta yauyauna 'atemiya 'imiyami.

Epeso 1:13

Ta wate 'omi Keliso 'enega tetela 'ai'aila ta bobo'ana 'ami 'etoseyana manuna wanonona, ga tauna waemisena, ta wate Yaluyaluwa Tabuna nina 'iona upaupaenaya 'i'ebwa'emi,

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Epeso 2:22

ta wate 'omi nigeya me Yudia ni'atu waemwadale 'atuwa, ga 'emiyega anuwa nina 'i'abina, be 'aene anuwa nina 'enaya Yaubada Yaluyaluwana 'ilo'asa.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

Yoni 3:6

Sinadao 'ediyega tatubuwenama bwala namo, ta yaluyaluwada 'ina tubuwa limana Yaubada Yaluyaluwana 'enega.

Pilipai 1:19

Ta wate yada gwausowala, manuna yamwalamwalatoni 'aene Yesu Keliso yaluyaluwana 'ina lema 'enega, be 'imi sidasidao manugu 'ediyega, sida li'amigu miyamwau gete 'enega.

1 Yoni 4:13

Ta wate tamwalatonina 'aene 'abo'ada 'enaya ta tauna 'edaya, manuna yaluyaluwana ni'atu 'i'ebwa'eda.

Luke 11:13

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni 'aene yage bobo'adimo wa'ebwa'ebwa'edi. Nadigega wate Tamami galewaya 'ina 'ebwaya 'emiya bobo'ana wawasae, be 'abo wasisida 'enaya Yaluyaluwa Tabuna 'ida 'ebwa'emi.”

1 Yoni 4:4

Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

1 Kolinita 15:23

Ta yawasi ataya 'ina tauya gete nadigega, nugana Keliso 'itoolo limana be ma'etamo tuta nina 'iila limanama 'abo'ada yaisigedi 'ina bodao, wate tatoolo limana,

1 Yoni 3:24

'Enega 'eguma 'ina loinao tamulimuliyedi, 'abo'ada 'enaya tamiyami, ta tauna 'edaya 'imiyami. Ta mwa'adega 'ina miya 'edaya tamwalatoi'ese? Manuna Yaluyaluwana 'i'ebwa'eda, ga 'edaya 'imiyami.

2 Kolinita 6:16

Wate nigeya sawesawenaya mali 'ebe emisao wasa'u luguyedi Yaubada 'ina anuwa solanaya, ta Yaubada tauna mayawasina ga 'ina anuwa 'abo'ada, ta 'igwae, “ ‘'Abo'agu taudi 'ediya yada e'asa be soladiya yada adadana, be 'abo'agu 'idi Yaubada ta taudi 'igu tomotaiyao.’

Yoni 3:34

Tai nina tauna Yaubada 'ietunenama, tauna Yaubada 'ina ona 'isimasimane, manuna Yaubada Yaluyaluwanega 'iloemaa 'ai'ailina.

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

2 Kolinita 10:7

'Omi tomota 'adi 'ita namo 'ena wadunedune, ta to'ase 'atediya nigeya wamwalamwalatoni. 'Abo yaita 'ionalaga 'aene tauna Keliso 'ina boda, 'ida nuwa'i'isima 'aene 'abo'ama wate Keliso 'ina bodao,

Yoni 14:23

Ta Yesu 'ena 'igwae, “'Abo 'oyo yaita 'uobobomegu 'igu ona 'uda muliyedi, 'enega Tamagu 'ida obobomeyo, be 'enega Tamagu ma'iyagu 'awawai 'emuya, be 'oyo ma'ema tada miya leleleya.

Guinuwa 16:7

Ga simai Misia ga sitoona be 'aene Bitinia 'ena silulugu, ta Yesu Yaluyaluwana nigeya 'itagwatagwaledi.

Loma 7:5

Manuna 'abo'ada lowa tabubuna me bale'u nadigega, 'anabwa'ayoi Mosese 'ina loina 'edaya 'imiyami, ta tuwa tuga 'ida yalakwaiyao siewaiwai ga welawela'ada maibo'ana sibubuna to'umalina, 'enega 'ana e'isa taloba, mwawasa.

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

1 Kolinita 6:17

Ta esi 'abo 'ida 'Inapwana ma'iyayo wae'ebweu yaluyaluwami wate sie'ebweu.

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,