Loma 7:5 - Loina Tabu Auwauna NT

⁵ Manuna 'abo'ada lowa tabubuna me bale'u nadigega, 'anabwa'ayoi Mosese 'ina loina 'edaya 'imiyami, ta tuwa tuga 'ida yalakwaiyao siewaiwai ga welawela'ada maibo'ana sibubuna to'umalina, 'enega 'ana e'isa taloba, mwawasa.

Loma 7:5 Referans Kwoze

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Galetia 3:10

Ta esi 'eguma yaisigedi sinuwena 'aene Mosese 'ina loina 'ana ematamatana 'enega sida bobo'ana, 'awato'umali namo sida loba, manuna Buki Tabu 'igwae, “Loina maibo'adi buki gete solanaya 'abo yaita nigeya 'imuliya 'ai'ailidi, 'awato'umali 'ida loba.”

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

Loma 6:21

'enega gete tuga 'imi to'umalina nidi manudi waomayamaya. Manuna nigeya 'ebweu wate e'isa bobo'ana 'ediyega walobaloba, ta esi 'ana e'isa nina mwawasa.

1 Yoni 3:4

Ta esi toto'umalidi Yaubada 'ina loina sile'oale'oa, nate bubuna to'umalina.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

1 Kolinita 15:56

Mwawasa 'ina waiwai 'iapwesama bubuna to'umalina 'enega, ta bubuna to'umalina Mosese 'ina loinao 'ediyega tamwalamwalatoni,

Yemesa 4:1

Mwa'adega ga losaiya be egewagewana siapweapwesa 'emiya? Nai 'alena taumimo 'imi yalakwaiyao 'ediyega, manuna tuta yauyauna mali nuwanuwa be mali nuwanuwa 'emiya sipaipaisewa.

Yemesa 1:15

Be 'ida yalakwaiya nina 'enega guinuwa to'umalina 'iapwesa, 'enega wate muliyega mwawasa 'iapwesa.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Epeso 2:11

'Omi nigeya me Yudia ta 'omi mali boda tomoteninao, ta me Yudia natudiyao me'olotodi bwaladi silodalodabedi, ta sisinalimi, manuna nigeya bwalami 'adi lodabamo.

Loma 7:23

ta esi mali loinao 'ediyega welawela'agwao siloinegu. Tuta yauna lotoona to'umalina 'ateguya 'iewaiwai wawasae be 'igu nuwanuwa bobo'ana 'igieneneta, 'enega bwalagu 'iguiguinuwa to'umalina.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Loma 6:19

Bale'u yagenao 'ediyega yae'itemi, manuna nuwami nigeya 'isabwasabwalena 'ai'aila. Lowa welawela'ami watagwaledi be 'aene sida bubuna to'umalina, be wate 'aene 'imi guinuwa to'umalina 'ida sinabwa 'ai'aila, 'enega gete tuga welawela'ami wada tagwaledi be sida bubuna palupaluna, be wate 'imi guinuwa 'ida bobo'ana 'ai'aila.

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Loma 4:15

Manuna loina 'enega Yaubada 'ina gamwasowala 'edaya 'iapwesa, manuna loina nina tale'oena. Ta esi 'eguma Mosese 'ina loinao geya'abo 'isa'usa'udi, geya'abo wate taetoto'umalina.

Loma 3:20

Yaubada 'ina 'awapalupalu nigeya Mosese 'ina loinao 'adi ematamatana 'enega tada lobena, manuna loina 'ina guinuwa nate 'ida to'umalinao 'isimasimana apwesedi.

Loma 1:26

'Enega Yaubada 'ediya 'itagwala be 'idi yalakwaiyao to'umalidi sida guinuwedi, be iine nigeya loelata 'ana bubuna 'ai'ailega sida tauya, ta mali bubuna to'umalina, nate iine be iine ma'ediyao, siguiguinuwa loegesi.

Yoni 3:6

Sinadao 'ediyega tatubuwenama bwala namo, ta yaluyaluwada 'ina tubuwa limana Yaubada Yaluyaluwana 'enega.

Madiu 15:19

nate nuwanuwa to'umalidi be loemwawasa be loelata be sogala be 'ipwala be onakabokabo be sinala be.

2 Kolinita 10:3

Ona'ai'aila bale'uya tamiyami, ta esi 'ida guinuwa nigeya me bale'u nadigega.