Loma 4:19 - Loina Tabu Auwauna NT

¹⁹ Ona'ai'aila, Ebelaamo ni'atu 'ana yakwala selabenaya be analedi 'iloba ga ni'atu oona maibo'ana sineneta, ta wate mwanena Sela megamegagalina, ta tuwa tuga Ebelaamo nigeya manudi 'inuwanuwa, ta esi 'ina emisa 'ena 'ituila sinabwana.

Loma 4:19 Referans Kwoze

Madiu 14:31

Ta Yesu 'ilomanini ga Pita 'igiyaina ta 'igwae, “Toemisa gidaliyo, to'ase manuna 'uenuwanaluwa?”

Madiu 8:26

Ta 'ieonedi, “To'ase manuna wamatauta? Mwa'adega nigeya 'imi emisamo, aga?” 'Enega 'itoolo ga yagila be lisu 'iba'edi, 'igwae, “Walosa'u!”, ga bwagabwaga maibo'ana 'isiwalowa.

Madiu 6:30

'Enega wanuwanuwa Yaubada 'ina 'ita'i'ita 'emiya manuna. Tauna pwatula 'ieiyalidi senina bobo'adi 'ediyega; batuwa sisenina ta gibwa'i si'oapelu be sigabudi, ta 'omi pwatula wabobo'ana sinedi, 'enega ona'ai'aila, 'ami 'oamao 'ida 'ebwa'emi. 'Enega geya'abo 'imi emisa Yaubada 'ena 'ineeneta.

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

Madiu 14:29

Ta Yesu 'igwae, “'Umai.” 'Enega Pita wagega 'imwa'uta ga ola debanaya 'itautauya Yesu 'enaya.