Loma 2:5 - Loina Tabu Auwauna NT

⁵ Ta 'omi wadeba pa'ala wawasae, 'enega 'abo tuta nina Yaubada 'ina loina palupaluna 'igieapwese, 'ida loina 'ai'ailimi,

Loma 2:5 Referans Kwoze

Loma 1:18

Ta Yaubada wate galewega 'ina gamwasowala ni'atu 'ie'itaena taudi tobubuna geyogeyoi maibo'adi 'ediya, manuna taudi 'idi bubuna to'umalina 'ediyega bubuna palupaluna si'eto'etobode.

Yude 1:6

Aniloseyao wate wanuwa'i'isidi, manuna lowa 'aidi taudimo sigitu'eyedi, ga 'idi 'ebe miyao sipilisinedi, 'enega Yaubada 'iyonidi ga sena guguyoi ni'uya 'ena 'isa'udi, ga nada 'aene simimi be 'ana laba bwa'omatana 'ana 'asiyata 'iapwesa.

2 Pita 3:7

Ta Yaubada 'ina onega galewa be bale'u ni'atu 'isa'ububudi, ga siyamwayamwa be 'asiyata loina 'enaya 'igabu yauledi, ta toto'umalidi 'iloesawalidi.

Ibeliu 3:15

Nadigega Yaubada 'ina ona 'igwae, “Batuwa 'abo 'ina ona wanono, geya'abo wadebadeba pa'ala nadigega tubumiyao lowaenei 'igu loina siguitoyasena.”

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

Ibeliu 4:7

'Enega Yaubada tuta auwauna 'isa'una be 'ena tomota 'ebe eyawai'ata siloba, ta 'enega mwalatoi Debida 'i'ebwa'ena ga Debida nina 'igwae, “Batuwa, 'abo Yaubada 'enana wanono geya'abo sa'i wadebadeba pa'ala.”

Ibeliu 3:13

Ta gete tuga taumimo waelemalema 'asiyata 'ebweuna 'ebweuna 'ediya, be 'enega geya'abo bubuna to'umalina 'ena wakwanikwani be Yaubada 'enana waloguitoyase.

Loma 9:22

Yaubada wate nadigega 'ina guinuwa tauna 'iloina, manuna tuta yauna toto'umalidi 'ediya 'ie'alama'i'itana sinabwana, be 'enega 'idi to'umalinao geya'abo 'ida e'ie'isadi, ta sa'i nigeya sida ematamatana, 'enega 'inuwena 'aene 'ilobwenena be 'ida loinedi, be 'enega 'ina gamwasowala be 'ina waiwai sida 'ita.

E'ita'ita 6:17

Manuna lami 'ina gamwasowala 'ana 'asiyata sinabwana ni'atu 'iapwesama, ta nigeya 'ebweu yaita sawesawenaya be 'iewaiwaisine.”

Yemesa 5:3

Ta wate 'imi maniyao waegagaledi 'emiya ta ni'atu simiya kadekadeli, be mani kadekadelidi getedi sida simanemi 'aene mani sinabwa wawasae waegagalena, ta mani nidi getedi tuta 'ebe losalowa 'enaya 'ida 'alasimi, 'atuwa kaiwe.

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

2 Tesalonaika 1:5

Gete 'ebe'ita be 'enega Yaubada 'ina loina palupaluna tada mwalatoni, manuna 'imi miyamwau nidi 'ediyega 'igiepa'alimi, be 'enega 'ina 'ebeloina 'ana lugu 'ida lobwenemi.

E'ita'ita 2:21

Ta ni'atu waine nina 'ina tuta ya'ebwa'ena be 'aene 'ina to'umalina nidi 'ediyega 'ida nuwa'ebuni, ta sa'i geya nuwana be 'ina loyawe nina 'ida guitoyase.