Loma 2:16 - Loina Tabu Auwauna NT

¹⁶ Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

Loma 2:16 Referans Kwoze

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

Guinuwa 17:31

manuna 'ida 'asiyata bwa'omatana ma'etamo 'iupaena be me bale'u maibo'ada 'ada loina palupaluna 'ida 'ebwa'eda tai nina 'iesinuwena 'enega, ga tai nina mwawasega 'igietoolo limenaya, be 'enega tomota maibo'ada tetela gete tada 'awa'ai'aile.”

Guinuwa 10:42

“Ga 'iloinema be tomota 'ediya 'aloguguya 'aene Yaubada Yesu nina 'iesinuwena be 'aene tuta 'ana 'ebe losalowa 'ena tauna bwa'omatana 'ida guinuwa, tomota taudi ni'atu simwawasa manudi, be wate 'abo'ada mayawasida manuda.

Luke 8:17

'Enega 'eguma to yage 'atemiya wakwaiyedi, ma'etamo maedana nina 'igieapwese. Ta to'ase sa'usa'ukwaiyina, ma'etamo yage nidi 'iloapwese 'atamanaya.

1 Pita 4:5

Ta esi 'etamo Yaubada tomota mayawasidi be mwawamwawasidi 'ida bwa'omatadi, be 'enega taudi tomiya apwesa nidi sida etala matanaya.

Loma 3:6

Ta wada nuwa'i'isi 'aene Yaubada toloina palupaluna, 'enega bwa'omatana 'ana tutaya me bale'u maibo'ada loina palupalu 'enega 'ida loineda.

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

2 Timoti 4:1

Timoti, 'amu emataluwa ya'ebwa'eyo Yaubada matanaya, ta Yesu Keliso tauna mwawamwawasidi be mayawasida 'ada tobwa'omatana matanaya, tauna ma'etamo 'iapwesa limanama be 'ietoloina 'edaya.

2 Timoti 2:8

Ta Yesu Keliso 'unuwa'i'isi, tauna Debida 'ina susu, ta mwawasega 'itoolo limana, nadigega ni'atu yasimanena 'igu loguguya 'ena.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

Loma 16:25

'Enega gete tuga Yaubada tada tupuna, manuna tauna sawesawenaya be 'igiepa'alimi, 'abo'agu 'igu loguguya 'enega, nate Yesu Keliso tetelina 'enega. Tetela gete gimi tutaya kwaikwaiyina,

Yoni 12:48

Manuna 'abo yaita nai 'oyo 'uguitoyasegu, ta wate 'igu ona 'uguitoyasedi, ma'etamo tuta 'ana 'ebe losalowa 'enaya loina 'uloba, nigeya 'abo'agu 'eguyega, ta esi manuna 'igu ona nina 'uguitoyasena.

Ibeliu 9:27

Tomota 'abo'ada 'ada loina 'imiyami 'aene ma'ebweuna tamwamwawasa be muliyega bwa'omatana.

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

Loma 2:5

Ta 'omi wadeba pa'ala wawasae, 'enega 'abo tuta nina Yaubada 'ina loina palupaluna 'igieapwese, 'ida loina 'ai'ailimi,

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Galetia 1:11

Gosegwao, wada nuwa'i'isi 'aene tetela bobo'ana yasimanenawa, nigeya tomota 'ediyega,

1 Kolinita 15:1

Gosegwao, tetela nina ni'atu yasimanena 'emiya, wanuwa'i'isi 'aene lowa 'atemi watagwalena tetela nina 'enaya, ga 'igiepa'alimi be 'enega 'ami 'etoseyana 'ena waloba, 'abo tetela nina wagiyai'i'isi. Ta 'abo nigeya wada giyai'i'isina, 'imi emisao nidi yage besobeso.