Loma 2:12 - Loina Tabu Auwauna NT

¹² Ta 'ina loina 'aene mali bodao Mosese 'ina loina nigeya simwalamwalatoni, tuwa tuga Yaubada 'ida loinedi 'idi to'umalinao manudi. Nadigega wate taudi me Yudia Mosese 'ina loina simwalatonina, be Yaubada 'ida loinedi 'idi to'umalinao manudi, Mosese 'ina loinao 'ediyega.

Loma 2:12 Referans Kwoze

1 Kolinita 9:21

Ta wate taudi Mosese 'ina loina nigeya simwalamwalatoni, 'eguma ma'egwao 'amiyami, yabubuna taudi nadigega be 'aene yalemedi, ta esi geya'abo 'agu loina Keliso 'enega yale'oale'oa.

Galetia 3:10

Ta esi 'eguma yaisigedi sinuwena 'aene Mosese 'ina loina 'ana ematamatana 'enega sida bobo'ana, 'awato'umali namo sida loba, manuna Buki Tabu 'igwae, “Loina maibo'adi buki gete solanaya 'abo yaita nigeya 'imuliya 'ai'ailidi, 'awato'umali 'ida loba.”

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

Loma 1:32

Ta tomota getedi nadigega, taudi ni'atu Yaubada 'ina loina simwalamwalatoni 'aene 'abo yaisigedi nadigega sibubuna'esa mwawasa namo tuga 'ilobwenedi, ta sa'i tuwa tuga to'umalina nina siguiguinuwe, ta 'abo gosediyao wate sietotowanedi, 'idi guinuwa nidi si'awa bobo'anedi.

Madiu 11:24

'Enega bwa'omatana 'ana 'asiyata 'enaya Yaubada 'iabe me Sodoma 'i'atenuwa 'ole'oleyedi, ta 'omi geya'abo.”

Yemesa 2:10

Ta 'abo yaita loina 'ebweuna namo 'ile'oa, nate 'aene ni'atu loina maibo'ana wate 'ile'oedi.

Loma 4:15

Manuna loina 'enega Yaubada 'ina gamwasowala 'edaya 'iapwesa, manuna loina nina tale'oena. Ta esi 'eguma Mosese 'ina loinao geya'abo 'isa'usa'udi, geya'abo wate taetoto'umalina.

Madiu 11:22

Ta esi 'omi nigeya 'ai'aila, 'enega bwa'omatana 'ana 'asiyata 'enaya Yaubada 'iabe me Taiya be me Saidoni 'i'atenuwa 'ole'oleyedi, ta 'omi geya'abo.

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

Guinuwa 2:23

Yaubada lowaenei Yesu nina manuna 'iloina, ga to'ase bale'uya 'ida loba Yaubada 'igimi mwalatonina, ta 'omi wasipupuyena, ga 'imi loinega tomota to'umalidi kelose 'enaya siloemwawasina.