Loma 2:10 - Loina Tabu Auwauna NT

¹⁰ Ta nadigega tuga taudi 'idi bubuna bobo'ana, Yaubada nugana me Yudia 'adi tupu be 'amayaba be 'idi gwausowala 'ida 'ebwa'edi, be muliyega sena maibo'adi.

Loma 2:10 Referans Kwoze

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.

Yemesa 3:13

'Abo yaita 'oyo ma imu mwalatoi, 'uda guinuwa bobo'ana ma imu nuwamwa'uta, be tomota sida 'ita be sida mwalatoni 'aene 'imu bubuna bobo'ana.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

Luke 1:79

be 'enega taudi wate guguyoi be mwawasa senanao 'ediya simiyami 'ida giemaedanedi, be 'enega maibo'ada 'ida anuganeda gwausowala 'ana 'eda 'enaya.”

Yemesa 2:22

Gete 'enega 'uda mwalatoni 'aene Ebelaamo 'ina emisa be 'ina guinuwa sipaisewa leleleya, ga 'ina guinuwega 'ina emisa 'ai'aila 'igieapwesena.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Loma 5:1

'Enega gete tugai 'ida emisega ni'atu Yaubada 'i'awa palupaluyeda ga Yaubada ma'edai taegosigosiyana, 'ida 'Inapwana Yesu Keliso 'enega.

Loma 2:9

'Enega taudi guinuwa to'umalina 'ana toguinuwao mwau be 'elouya sinabwana sida loba, nugana me Yudia be muliyega sena maibo'adi tomoteninao.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Pilipai 4:7

be Yaubada 'ina lemao tosinabwa sadi 'ediyega 'ida giegwausowalimi, be 'enega Yesu Keliso ma'emiya, 'atemi be 'imi nuwanuwao sida miya bobo'ana.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

Loma 9:21

Ta sa'i to'abi 'ulena tauna 'ina guinuwa 'ida loine, 'abo nuwanuwana be bwa'a 'ebweuna 'enega 'ule 'eluwa 'i'abidi, 'ebweuna 'ana 'ita kausala, ta 'ebweu nigeya.

Guinuwa 10:35

ta esi mali sena be mali sena tomoteninao, 'eguma si'amayabena be sibubuna palupalu, 'igwausowala manudi.

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Luke 22:14

Ta ni'atu 'e'ai sigibubuna Yesu ma 'ana tosimanao simiya egogonama ga ma'enao si'e'ai,

Luke 19:42

“Yelusalema ye, 'iabe tomotenimwao nuwa'ole'oledi sa'i, manuna tuta gete 'enaya 'adi 'etoseyana nina nigeya simwalamwalatoni.

Luke 12:37

Ta 'abo matadi pa'alina be sigibugibubudi ta siyamwayamwa be 'ilobadi, 'iabe sida gwausowala sinabwana. Ona'ai'aila 'idi 'inapwana nina 'iabe 'ina 'ali'eiyao nidi 'adi 'oama 'i'ote, ta 'ali'eiyao nidi simiyatowa ta tauna manudi 'ida etopaisewa.

Luke 9:48

“Gwama gete wa'ita. 'Abo yaita 'oyo gwama gete nadigega manugu 'uobobome, 'oyo nate ni'atu 'uobobomegu, ta wate 'agu Toetune nina ni'atu 'uobobomena. 'Enega 'abo yaita 'emiyega 'ana esana nigeya sinabwana tauna 'iloetana sinemi.”

Madiu 10:13

ta 'abo susu nidi 'idi bubuna bobo'ana waenima lotunedi be waona obobomedi, ta 'abo 'idi bubuna to'umalina geya'abo 'imi enimalotuna be 'imi onaoboboma 'ediya wamudamudali.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

Yoni 14:27

“'Abo'agu ni'atu be yapilisinemi, 'enega taugu tuga 'igu nuwasiwalowa 'enega yada 'ebwa'emi, ta nuwasiwalowa nina nigeya nadigega me bale'u si'ebwa'ebwa'emi. 'Enega geya'abo waenuenuwanaluwa nai wa'ate'ate sa'ala.

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

Ibeliu 2:7

'Enega tuta kukupana namo manuna 'usa'u ebusiyena, aniloseyao 'agulaudiya, ta muliyega 'ana 'amayaba be 'ana tupu sinabwana 'u'ebwa'ena.