Loma 2:1 - Loina Tabu Auwauna NT

¹ Tasigwao, geya'abo gosemiyao 'idi bubuna manuna walo'alo'aegila, manuna 'abo wanuwanuwa manudi 'omi wate taumi walo'aegilemi, manuna 'omi tuga nadigega taudi.

Loma 2:1 Referans Kwoze

Luke 6:37

Ta geya'abo tomota wa'awa'awa to'umaliyedi 'abona nai Yaubada wate 'i'awa to'umaliyemi. Ta wate geya'abo gosemiyao wae'ewadi, be 'enega 'omi geya'abo e'ewa walobaloba. Ta esi gosemiyao 'idi bubuna wada nuwataudi be 'enega Yaubada 'omi 'imi bubuna 'ida nuwataudi.

Loma 2:3

Ta gosegwao 'omi, 'abo mali tomota walo'aegiledi wanuwena 'aene Yaubada 'ina bwa'omatana geya'abo walobaloba. Nigeya! 'Ida loinemi wate, manuna bubuna nidi 'omi tuga nadigega waguiguinuwedi.

Loma 9:20

Gosegwao, 'abo'ada geya'abo Yaubada gete nadigega talo'alo'aegile, 'atuwa nadigega 'ule 'ana to'abi, 'ebweu tuta tai nina 'ulena 'i'abidi, ga 'ebweu 'ule to'abi 'ieonena, 'igwae, “To'ase 'alena nigeya 'u'abi'abigu gosiyagu nadigega?”

Yemesa 4:11

Tasigwao, geya'abo tasimiyao wa'awa'awa to'umaliyedi, manuna 'abo yaita tauna tasina 'i'awa to'umaliyei, nai 'iloinei, tauna nigeya Yaubada 'ina loina 'imulimuliyei, ta esi loina nina 'i'awa'awa to'umaliye.

Yemesa 2:20

'Oyo uwauwayo. Gete 'ebe e'ita ya'ebwa'eyo 'aene 'abo emisa namo, ta nigeya guinuwa, nate yage besobeso.

Luke 19:22

“Ga 'inapwana nina 'igwae, ‘Ona'ai'aila, 'oyo toguinuwa to'umaliyo. Tauyo sa'i 'imu onega 'amu loina ya'ebwa'eyo. Manuna ni'atu 'umwalatonigu 'aene 'abo'agu tai pa'aligu, ta 'igu esaesa ya'ewa'ewa mali tomota 'idi paisewa 'ediyega,

1 Kolinita 7:16

'Oyo tai nai waine 'etamo mwa'adega, mwaneyo 'ugiesana ile'ese, 'abo 'ugiyai? 'Iyaugwa! Nigeya tamwalamwalatoni, aga?”

Luke 12:14

Ta Yesu tai nina 'ina ona 'ie'isena, 'igwae, “Tai, 'abo'agu nigeya sawesaweguya be yaetoloina 'ami egueguyai manuna.”

Loma 2:2

Ta esi tamwalatonina 'aene Yaubada 'ilobwenena be toguinuwa geyogeyoi nidi 'ida loinedi.

Loma 3:9

'Enega 'abo'ada me Yudia mwa'adega 'ida miya taudi nigeya me Yudia 'idi miya 'ibobo'ana sinena? Nigeya! Manuna ni'atu yae'iteda 'aene maibo'ada toto'umalida.

Loma 14:22

Ni'atu 'imi guinuwao waemisedi 'aene bobo'adi Yaubada matanaya, ta esi 'abo geya'abo gosemiyao wagiegie be'uyedi nate 'ebe gwausowala sinabwana 'emiya.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.