Loma 16:10 - Loina Tabu Auwauna NT

¹⁰ Ta wate 'igu oboboma Apeli 'enaya, tauna Keliso 'ana toemisa 'ai'aila. Ta Alisitobulo ma ina bu'unao 'igu oboboma wate 'ediya,

Loma 16:10 Referans Kwoze

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.

1 Timoti 3:10

'Enega 'eguma 'aidi tai nuwanuwami be waesinuwedi be siedikoni, nugana 'idi ematamatana waduneye, be 'abo sibubuna bobo'ana, 'enega siedikoni.

Pilipai 2:22

Ta Timoti wamwalatonina 'aene tai bobo'ana, ta 'atuwa nadigega natugu ma'iyagu tetela bobo'ana manuna 'aetaetapewa.

2 Kolinita 8:22

Tasida wate 'ebweu ma'edi 'aetunenawa, tauna 'amwalatonina 'aene toemisa 'ai'aila 'ina guinuwa yauna 'ediyega, ta gete tuga 'omi 'imi bubuna bobo'ana ni'atu 'inonona ga 'iemisena, 'enega nuwanuwana sinabwana 'iayausimi sabi lememi wate.

2 Kolinita 2:9

Gete manuna 'imi leta ya'etoladinawa be 'aene yatoomi, nai loina maibo'ana waematamatanedi, nai nigeya.

1 Kolinita 11:19

Ta 'imi eweyaweyala 'ana bobo'ana nate 'aene yaisigedi taudi toekalesiya 'ai'ailao ta'inanadi.

2 Timoti 4:19

'Igu oboboma Pilisila be Akuila, ta Onesipolo ma ina susuyao 'ediya 'usimane.

Loma 8:11

Ta Yaubada Yaluyaluwanana 'enega Yesu mwawasega 'igietoolo limena, 'abo 'emiya 'imiyami, Yaubada 'iabe wate Yaluyaluwana nina 'enega oomi mwawamwawasidi 'ediya yawasi auwauna 'ida 'ebwa'emi.

Loma 16:3

Ta wate 'igu oboboma Pilisila be Akuila 'ediya wada simane, taudi lowa ma'egwao Yesu Keliso manuna 'aetoguinuwa,

Loma 16:7

'Igu oboboma wate gosegwao Anidaloniko be Dunia 'ediya, taudi me Yudia lowa ma'egwao deliya 'amiyami, siteluwa nidi ma 'adi 'amayaba Yesu 'ana tosimanao 'ediyega, manuna taudi togimi ekalesiya, ta muliyega 'abo'agu.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

2 Kolinita 12:2

'Ebweu Keliso 'ina tai yamwalamwalatoni, tauna yakwala potini sigumwala 'ena Yaubada 'i'au'ewena, ta 'iyaugwa nai bwalana nai yaluyaluwa namo nigeya yamwalamwalatoni. Yaubada namo 'imwalamwalatoni. 'I'au'ewena ga 'itu'e galewa 'ebweuna 'ena, ga 'itu'e wate galewa 'eluwena 'ena, ga wate 'itu'e galewa 'etonina 'enaya.

Galetia 1:22

Ta tuta nidi 'ediya Keliso 'ina toekalesiyao Yudia senanao 'ediya maninigu nigeya sida mwalatonina.