Loma 15:28 - Loina Tabu Auwauna NT

²⁸ 'Enega gete namo 'igu paisewa nina yada losaloni, nate 'ebwayadaita nina gete me Yelusalema yada 'ebwa'edi, be muliyega yawawa 'emiya be yayausimi, be 'enega 'emiyega yada gelu limana be yatatauya Sipeini 'ena.

Loma 15:28 Referans Kwoze

Loma 15:24

'enega nai gete tuga yada gimiyausimi, be tupwana ma'emiya tada egwausowala, be muliyega waegelugu be yatatauya Sipeini.

Pilipai 4:17

'Igu ona gete nigeya 'aene nuwanuwagu 'ebwayadaita wada 'ebwa'egu, ta esi 'aene 'imi 'ebwayadaita uwana 'emiya 'ida sinabwa 'ami lema 'ai'aila manuna.

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

Madiu 27:66

'Enega sitauya ga 'ali'ali 'awana 'ana 'auboda gulewa nina wate sibwadena, ta nada to'ita'i'itao sietoolodi.

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Guinuwa 19:21

Muliyega Yaluyaluwa Tabuna Paulo 'ienuwa sa'uyena 'aene Masidonia be Akaya 'ediyega 'ida tauya, be Yelusalema 'ena 'ida apwesa, ga 'igwae, “Yanuganugana Yelusalema, ta yanuwena muliyega yatatauya Loma.”