Loma 14:9 - Loina Tabu Auwauna NT

⁹ Gete 'alena 'enega Keliso 'imwawasa ga 'itoolo limana, be 'enega 'aene tomwawasao be 'abo'ada mayawasida maibo'ada 'edaya 'ida etoloina.

Loma 14:9 Referans Kwoze

E'ita'ita 1:18

mayawasigu yamiyami. Ta lowa yamwawasa, ta 'u'ita 'abo'agu yamiyami, ta geya'abo yagumwagumwala. 'Abo'agu wate nimaguya Mwawasa be tomwawasa yaluyaluwadi 'idi sena 'adi 'ebe gigege yagiyaidi.

Luke 24:26

To'etoseyana nina 'ilobwene 'ai'ailina be 'elouya nidi 'ida lobadi be 'enega muliyega 'ana esana 'isinabwa.”

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

2 Timoti 4:1

Timoti, 'amu emataluwa ya'ebwa'eyo Yaubada matanaya, ta Yesu Keliso tauna mwawamwawasidi be mayawasida 'ada tobwa'omatana matanaya, tauna ma'etamo 'iapwesa limanama be 'ietoloina 'edaya.

Guinuwa 10:42

“Ga 'iloinema be tomota 'ediya 'aloguguya 'aene Yaubada Yesu nina 'iesinuwena be 'aene tuta 'ana 'ebe losalowa 'ena tauna bwa'omatana 'ida guinuwa, tomota taudi ni'atu simwawasa manudi, be wate 'abo'ada mayawasida manuda.

Madiu 28:18

'Enega Yesu 'imai 'ediya ta 'ieonedi, 'igwae, “Tamagu loina maibo'ana galewaya ta bale'uya ni'atu 'i'ebwa'egu.

1 Pita 4:5

Ta esi 'etamo Yaubada tomota mayawasidi be mwawamwawasidi 'ida bwa'omatadi, be 'enega taudi tomiya apwesa nidi sida etala matanaya.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

2 Kolinita 5:14

Keliso 'ina obobomega 'aonaona, manuna tauna tuga 'ama toloina. Ona'ai'aila, tauna maibo'ada manuda 'imwawasa, 'enega maibo'ada 'atuwa tomwawasa.

Guinuwa 10:36

Ta To'etoseyana Yesu, tauna maibo'ada 'ida 'Inapwana, ga Yaubada 'ina tetela bobo'ana Yesu 'i'ebwa'ena, 'abo'ama me Isileli 'ima 'ebe gwausowala manuna. Ta 'omi tetela nina wamwalamwalatoni,

E'ita'ita 2:8

Anilose nina totapwaloloyao Simulina 'ena 'i'ita'ita'i'isidi 'ina leta 'uda 'etoladi me Simulina nidi manudi be 'uda gwae: Ale gete 'imai tauna 'ebe e'ale be 'ebe losalowa 'enega, tauna ni'atu 'imwawasa ta 'itoolo limana ga mayawasina 'imiyami. Tauna gete 'ina simana 'emiya 'igwae:

Yoni 12:24

Ta wate 'ediya 'igwae, “Yaona 'ai'aila 'emiya, 'abo ewana bwa'a 'ena tadauni, ma'etamo bwa'a solanaya 'idadaula, ta esi solanega 'itatabwa be uwana bobo'ana 'isusaila, manuna 'eguma geya'abo bwa'a solanaya tadaudauni, geya'abo sa'i 'itabwatabwa be uwana bobo'ana 'isusasusaila.

Loma 10:9

be 'enega Yaubada 'ida 'etoseyeda 'abo 'awadega tatagwala, tagwae, “'Igu 'Inapwana tauna Yesu”, be 'atedega taemisa 'aene Yaubada Yesu mwawasega 'igietoolo limena.

1 Tesalonaika 4:14

Ta 'abo'ada Yesu taemisena 'aene mwawasega 'itoolo limana, ga nadigega wate taemisa 'aene gosedao nidi ni'atu sikwaiya Yaubada 'ida ila limanedima, Yesu ma'enao.

1 Tesalonaika 5:10

'Enega Keliso nina manuda 'imwawasa, be nai mayawasida nai mwawamwawasida, ta 'eguma 'iilama 'ida 'au'ewada be ma'edai tada miyaataya.