Loma 12:9 - Loina Tabu Auwauna NT

⁹ Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Loma 12:9 Referans Kwoze

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

1 Timoti 1:5

Gete 'igu loina be 'enega 'atemi 'esasedi 'ediyega taumimo waeobooboboma 'ai'aila, be wanuwanuwa bobo'ana, be waemisa 'ai'aila Keliso 'ena.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Tesalonaika 5:21

ta esi e'ita nina wada too, be 'abo bobo'ana wagiyai,

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

2 Kolinita 8:8

Gete 'igu ona tuga ta nigeya 'aene yaloiloinemi, ta manuna 'aina toekalesiyao yamwalatonidi sietaetapewa 'ebwayadaita manuna, 'enega 'ebe toona gete yasa'una be ta'ita nai waeobooboboma 'ai'aila, nai nigeya.

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

2 Kolinita 6:6

bubuna 'esasena, mwalatoi, 'atenuwa'ole'ole, eobooboboma, Yaluyaluwa Tabuna 'atedaya, oboboma 'ai'aila,

Ibeliu 1:9

Bubuna bobo'ana nuwayo 'i'ewena ta to'umalina 'amu gadilulu. 'Enega 'imu Yaubada ni'atu 'ieoloimu gwausowala 'ai'aila 'enega, ta 'imu gwausowala gosemwao 'idi gwausowala 'isinabwa sinena.”

1 Tesalonaika 2:3

nigeya kaboega, nai nigeya ona to'umalina 'enega, ta esi ona'ai'aila 'enega.

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

Yoni 12:6

Yudasa 'ina ona getedi nigeya ona 'ai'aila 'aene togomabeso manudi, ta esi tauna manuna, manuna tauna to'ipwala tuga, ta wate tauna Yesu ma ina tononoyao 'idi mani 'ana to'ita'i'ita, ta mani nidi 'ediyega 'i'ipwa'ipwala.

Madiu 26:49

'Enega 'itauya palupaluna Yesu 'ena ga 'ilokagutokiyena ta 'i'atubwailina.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.