Loma 12:18 - Loina Tabu Auwauna NT

¹⁸ Ta wate wada toowaiwai be bubuna bobo'ana 'enega miya siwalowa manuna wada e'ita tomota maibo'adi 'ediya.

Loma 12:18 Referans Kwoze

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Loma 14:19

'Enega 'ilobweneda be 'ida 'ebe masi nuwasiwalowa, be 'enega 'ebweuna 'ebweuna 'enaya tada elemalema.

Madiu 5:9

'Omi togienuwa siwalowao wada gwausowala, manuna Yaubada 'ida 'awanatunemi.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Maki 9:50

“Ola yage bobo'ana. Ta 'eguma 'ana lotoona 'isasawala, nigeya sawesawenaya be 'ibobo'ana limana. 'Enega 'ilobwenemi be 'imi bubuna taumi walotoona 'ana dibidibi nadigega waeoboobobomemi 'ebweuna 'ebweuna 'enaya.”

1 Pita 3:11

ta wate guinuwa to'umalidi 'ida guitoyasedi, be 'ida guinuwa bobo'ana mali tomota 'ediya, be wate 'ida etapewa waiwai nuwasiwalowa manuna.

2 Timoti 2:22

'Enega tubuwau 'idi yalakwaiyao 'uguitoyasedi be bubuna palupaluna be emisa be oboboma be miyasiwalowa 'umuliyedi, be wate taudi Yesu si'awa 'inapwanena ma'ate'esasedi 'uetotowanedi.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Epeso 4:3

be wada etapewa waiwai, be 'enega Yaluyaluwa Tabuna 'ibwagilimi, be ma imi nuwasiwalowa wada miyami gwausowalega.

Madiu 5:5

'Omi 'imi bubuna nuwana wada gwausowala manuna ma'etamo Yaubada bale'u maibo'ana 'i'ebwa'emi.

1 Kolinita 7:15

Ta 'abo yaita 'oyo mwaneyo nigeya Yaubada 'ena 'iemiemisa ta nuwanuwana be 'isa'ileyo, 'uda gisine ta geya'abo 'uegagale. Manuna Yaubada nuwanuwana be wamiya siwalowa, ta geya nuwana egewagewana.

Madiu 5:24

'ilobweneyo be 'imu oboboma 'usa'u 'ebe taliya selabenaya be 'uila tasiyo 'enaya, be 'utoo be ma'iyayo waegosigosiyana limana, ta muliyega 'uilama be 'imu oboboma nina Yaubada 'enaya 'utaliyae.

Loma 1:15

'Enega 'omi wate me Loma nuwanuwagu sinabwana 'emiya Tetela Bobo'ana yada guguyae.