Loma 12:10 - Loina Tabu Auwauna NT

¹⁰ Gosemiyao wada oboboma 'ai'ailedi be wada 'amayabedi,

Loma 12:10 Referans Kwoze

Pilipai 2:3

Geya'abo wanuwanuwa tu'e nai wae'ipi'ipi, ta esi wanuwa mwa'uta, be gosemiyao 'adi esanao wagilagasidi.

Ibeliu 13:1

'Enega wada eobooboboma taumimo 'emiya.

1 Yoni 4:11

Gote 'ena Yaubada 'ina oboboma 'edaya 'isinabwa wawasae. 'Enega gosegwao, 'ilobweneda be tauda tada eoboobobomeda.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 2:17

'Enega tomota maibo'adi wada 'amayabedi, ta gosemiyao taudi Yesu 'ana toemisao wada obobomedi. Yaubada 'ena wada 'amayaba sinabwana, be wate kini wada 'amayabe.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

1 Yoni 4:20

'Eguma yaita 'igwae, “Yaubada yaobobomena,” ta 'abo tai nina tasina 'ietalauwale, tauna tokabo, manuna tasidai ta'ita'ita, 'enega 'abo tasidai nigeya taoboobobome, nigeya sawesawedaya be Yaubada taobobome, tauna nigeya tada 'itena.

2 Pita 1:7

esikisina egosigosiyana, ta 'ebe losalowa oboboma.

1 Pita 5:5

'Enega 'omi wate tubu lagalagao 'inapwanao wada 'amayabedi, be maibo'ami wada nuwamwa'uta be 'ebweuna 'ebweuna 'emiya wada elemalema. Nadigega tuga Buki Tabu 'isimana, 'igwae, “Yaubada tonuwatu'e 'i'etobodedi, ta esi tonuwamwa'uta 'iobobomedi.”

Yoni 15:17

“Ni'atu 'igu loina nina yasimanena 'emiya, 'aene wada eoboobobomemi.”

Loma 13:7

'Enega takisi maibo'adi 'ediya tada tagwala be 'ana to'ewao 'ediya tada takisi, ta wate toloinao nidi be 'inapwanao tada 'amayabedi, be manudi tada gwausowala.

Guinuwa 4:32

Boda nidi Yesu siemisena, ta 'idi nuwanuwa maibo'ana leleleya, ta nigeya sida egewagewana be sida gwae, “'Igu yage gete, ta 'omi nigeya.” Ta esi 'idi gwegwe maibo'adi sitagwaledi boda maibo'adi 'idi guinuwa manudi.

Luke 14:10

'Enega 'abo sibwauyeyo be 'ululugu 'ediya, 'ebemiya tupiya 'uesinuwe be 'ena 'umiyatowa, be 'enega tuta nina 'abo tonisagali 'imama be 'i'itayo 'iabe 'emuya 'ida ona, 'igwae, ‘Gosiyagu, 'umiyalaga gamwagamwanaya,’ be 'enega 'ulalaga ma imu gwausowala, ta wate ma 'amu tupu tomota matadiya.

Madiu 20:26

ta 'omi geya'abo wate nadigega taudi waguiguinuwa'esa. Ta 'eguma yaita 'oyo nuwanuwayo be 'emiyega 'uetoloina 'ilobweneyo be gosemwao manudi 'uda etoguinuwa.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

Kolose 1:4

manuna tetelimi 'anononaya, 'aene Yesu Keliso waemisena, ta toekalesiyao yauyaudi waobobomedi,

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.