Loma 11:33 - Loina Tabu Auwauna NT

³³ Yaubada 'ina loina be 'ina mwalatoi sinabwa wawasae manudi geya'abo tagwaegwae, ta 'abo'ada nigeya 'ebweu yaita sawesawenaya be Yaubada 'ina nuwanuwa be 'ina guinuwao 'isinapudi.

Loma 11:33 Referans Kwoze

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Epeso 3:10

'aene 'ebe'ita 'abo'ada toekalesiyao, be 'edega Yaubada 'ina mwalatoi maibo'ana 'ie'itae galewa 'ana yaluyaluwa waiwaidi 'ediya.

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Kolose 1:27

Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

Epeso 2:7

Gete 'iguinuwena be 'aene tuta simeemai 'ediya 'ina oboboma sinabwa wawasaena 'ida e'itae, nate 'ina 'atenuwa'ole'ole be 'ina 'etoseyana Yesu Keliso 'enega.

Epeso 3:16

ta yasidasida 'enaya be 'aene 'ina esaesa be 'ina waiwai 'ediyega 'itatagwala 'emiya, be Yaluyaluwana 'atemi 'ida giewaiwaiyedi,

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 3:18

'enega toekalesiyao maibo'adi ma'emiyao sawesawemiya Keliso 'ina oboboma wada mwalatoi 'ai'aili, 'ana bababa, 'ana dudula, 'ana tu'e, 'ana mwa'uta, nigeya 'ana 'etopwapwamo. Keliso 'ina oboboma sinabwa wawasae, be wate Yaubada Toewaiwai sana 'ina bubunega 'ida loemaa 'ai'ailimi.

1 Kolinita 2:10

Ta esi Yaluyaluwa Tabuna 'enega Yaubada mwalatoi nina ni'atu 'igieapwesena 'edaya, manuna Yaubada Yaluyaluwana yage maibo'ana 'imwalamwalatonidi, 'enega Yaubada 'ina nuwanuwa kwaikwaiyidi wate 'imwalatonidi.