Loma 11:32 - Loina Tabu Auwauna NT

³² manuna tologwautoyasa maibo'ada gete nadigega Yaubada 'ibubuna'eseda be 'aene 'ina 'atenuwa'ole'ole 'ida e'itada.

Loma 11:32 Referans Kwoze

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Loma 3:9

'Enega 'abo'ada me Yudia mwa'adega 'ida miya taudi nigeya me Yudia 'idi miya 'ibobo'ana sinena? Nigeya! Manuna ni'atu yae'iteda 'aene maibo'ada toto'umalida.

Loma 3:22

'aene Yaubada maibo'ada 'ida 'awa palupaluyeda Yesu Keliso 'ana emisa 'enega, be geya'abo 'ebweu wate weyala 'ida miyami 'abo'ada me Yudia be taudi nigeya me Yudia gamwagamwanidaya.

Yoni 12:32

Ta 'abo'agu 'abo bale'uyega sigitu'eyegu kaiwe 'enaya, tomota maibo'adi yalisidima be 'eguya simamai.”

Yoni 1:7

Tauna tomota 'ediya 'imai be 'aene tomota 'ediya maedana manuna 'ida simana be 'enega tomota sida nono be 'idi emisa sida sa'u maedana nina 'enaya.

Loma 5:19

Nadigega wate 'ebweu tai 'ina loinale'oa 'enega tomota maibo'adi sito'umalina, ta wate 'ebweu tai 'ina tagwalega tomota yaudi 'igie'esasedi.

Loma 11:31

Wate nadigega taudi ma'etamo Yaubada 'ina 'atenuwa'ole'ole sida loba, nadigega 'omi tuta gete walobena,

Galetia 3:23

Lowa tuta nina emisa nigeya tamwalamwalatoni, 'abo'ada Mosese 'ina loina 'iyonida ga tamiya mwau, ga 'ana laba Yaubada emisa 'igieapwesena 'edaya.