Loma 11:17 - Loina Tabu Auwauna NT

¹⁷ ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Loma 11:17 Referans Kwoze

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Yoni 15:2

Ta 'abo naligwao nigeya sida uwa, 'i'upwa'upwa yauledi, ta esi naligwao nidi taudi uwadi 'isa'una, 'igie'esasedi be 'enega sida uwa sinabwana.

Madiu 21:43

'Enega yaeonami 'aene Yaubada 'ina loina 'emiyega 'ida 'ewayaule, ta 'ida 'ebwaya mali boda 'ediya, be taudi 'ediyega uwana bobo'ana 'ida apwesa.

Kolose 2:13

'Omi lowa lodaba nigeya walobaloba, ta 'imi loegesiyao manudi 'atuwa mwawamwawasimi, ta esi Keliso ma'edai yawasi bobo'ana Yaubada 'i'ebwa'eda, ga 'ida loegesiyao 'inuwataudi,

Guinuwa 2:39

Manuna Yaubada 'ina onaupaupa nina 'aene 'omi manumi, be natumiyao wate manudi, be taudi 'edasolaya simiyami manudi, yaisigedi taudi Yaubada 'ibwauyedi 'ena.”

E'ita'ita 11:4

Tosimana 'eluwa nidi 'atuwa kaiwe olibe 'eluwa, ta wate 'atuwa mayale nidi 'eluwa sitootoolo bale'u 'ana 'Inapwana matanaya.

Yoni 15:6

Ta 'abo yaita tauna nigeya 'eguya 'imiyami, sida ula apwese be 'i'oapelu, nadigega naliyao 'upwa'upwa yauledi, siegogonedi be kaiwe sabelulu 'ena sigabudi.

Galetia 2:15

Taudi nigeya me Yudia sena maibo'adi 'ediya toto'umalidi tuga, ta 'abo'ada esi me Yudia,

Yoni 15:1

Yesu wate 'ediya 'igwae, “'Abo'agu 'awe uwauwa 'ai'aila, oine manuna, ta Tamagu tauna tobagula.

Loma 11:24

Ta 'omi nigeya me Yudia wada nuwa'i'isi 'aene lowa 'omi mali kaiwe nalinao, ga nigeya Yaubada 'ina kaiwe nalinao 'ena wamiyami, ta esi 'ina guinuwa 'ebe nuwaowana sinabwana 'emiya 'iguinuwena, manuna 'ina kaiwe 'ena 'itubwemi, 'enega me Yudia nidi, taudi Yaubada 'ina kaiwe nali 'ai'ailinao, nadigega Yaubada sawesawenaya be 'itubwe limadi 'ina kaiwe nina 'enaya.