Loma 1:24 - Loina Tabu Auwauna NT

²⁴ 'Enega Yaubada 'ediya 'itagwala be 'idi yalakwaiyao nidi 'atediya simiyami siguinuwedi, be gote 'enega ma'ediyao bwaladiyega siloeloelata geyogeyoi bubuna to'umalinega.

Loma 1:24 Referans Kwoze

Guinuwa 7:42

“'Enega Yaubada 'iguitoyasedi be 'aene taudimo 'idi nuwanuwa sida guinuwe, nate kwadimao galewaya 'ediya sida bwagobwago, nadigega palopitao 'idi buki solanaya Yaubada 'ina ona 'imiyami, 'igwae, ‘'Omi me Isileli yakwala poti sena mwatui daitaya wamiyami, yobaiyao waunudi ta nigeya 'eguya wada taliyaedi.

Guinuwa 14:16

Yaubada nina lowa sena yauyaudi tomotenidiyao 'itagwaledi, be taudimo 'idi nuwanuwao, be 'idi bubunao sida muliyedi,

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

1 Tesalonaika 4:4

be 'enega 'ebweuna 'ebweuna wada ai ma imi bubuna bobo'ana ta palupaluna,

1 Kolinita 6:18

'Enega 'ilobwenemi be loelata waguitoyase, manuna loelata nigeya nadigega mali bubuna to'umalidi. Ona'ai'aila, mali bubuna to'umalidi nigeya ooda sida gieto'umaliyedi, ta loelata esi ooda 'igiegie to'umaliyedi.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

Loma 6:12

'Enega gete tuga geya'abo to'umalina bwalami 'iloiloinedi be 'aene 'imi yalakwaiyao wamulimuliyedi. Geya'abo sa'i!

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.