Kolose 4:6 - Loina Tabu Auwauna NT

⁶ Nuwa'ole'oleyega tuta yauna wada onaona ma imi mwalatoi 'ai'aila, be 'enega 'abo gosemiyao sienaidemi wada e'ie'isadi ona palupaluna 'ediyega.

Kolose 4:6 Referans Kwoze

Epeso 4:29

Geya'abo wate 'ebweu ona to'umalina wa'ina'inane, ta esi ona bobo'ana namo tomota 'adi lema manuna, to'ase tuta 'ebweuna 'ebweuna 'ana lobwene manuna wada onaona, be 'enega yaisigedi taudi sinonomi, lema sida loba.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

Maki 9:50

“Ola yage bobo'ana. Ta 'eguma 'ana lotoona 'isasawala, nigeya sawesawenaya be 'ibobo'ana limana. 'Enega 'ilobwenemi be 'imi bubuna taumi walotoona 'ana dibidibi nadigega waeoboobobomemi 'ebweuna 'ebweuna 'enaya.”

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

Madiu 5:13

'Omi nadigega ola me bale'u manudi. Ta wanuwa'i'isi 'eguma ola 'ina waiwai 'igugumwala nigeya sawesawenaya be 'ibobo'ana limana, 'enega taguitoyasei be tasiwayaule 'eda 'enaya.

Luke 4:22

Ga taudi nuwadi 'iowana 'ai'aila, 'enega 'ina onao bobo'adi manudi situpuna sinabwana, sigwae, “Tai gete Yosepa natuna, aga? Ta mwa'adega sa'i?”