Kolose 3:4 - Loina Tabu Auwauna NT

⁴ Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

Kolose 3:4 Referans Kwoze

Yoni 11:25

Ga Yesu wate 'ena 'iona, “'Abo'agu toololimana 'aledi be wate yawasi 'ai'aila. 'Enega 'abo yaita tauna 'iemisegu ta tuta nina 'imwamwawasa, yawasina ataya 'iloba.

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

1 Pita 1:13

'Enega yage gete manuna 'imi nuwanuwa maibo'ana wagiepa'alidi, be 'imi emisa wada sa'u 'ai'ailidi, 'aene tuta nina Yesu Keliso 'ida apwesama 'ebe gwausowala wada loba Yaubada 'enega.

Pilipai 3:21

Be tuta nina 'iilama ooda 'ida sa'ugelasedi; batuwa nenetadi, ta 'ida sa'ugelasedi 'atuwa tauna oona waiwaina ta 'esasena nadigega, ta 'ina guinuwa gete tauna 'ina waiwaiyega, manuna tauna sawesawenaya be yage maibo'adi 'ediya 'ietoloina.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

E'ita'ita 22:14

Ta wada gwausowala 'abo yaisigedi 'omi 'ami 'oama wagie'esasedi, manuna yawasi kaiwena uwana wa'a'ani, be wate 'asa nina 'ana 'awao 'ediyega walulugu.

1 Kolinita 15:43

Ona'ai'aila, bwalada 'ebe omayamaya ta nenetadi sisa'usa'u 'ali'aliyedi ta bwalada galewega tatoolo limana, ta bwala nidi ma 'adi tupu ta ma idi waiwai,

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,

Yude 1:24

Yaubada nina sawesawenaya 'ilomata'i'isimi be geya'abo wabe'ube'u, 'ana laba tuta nina tauna matanaya 'ime'emi 'ina 'asa 'esasena 'enaya, ma imi bubuna palupaluna, ta wate ma imi gwausowala sinabwana.

1 Yoni 5:12

'Enega 'abo yaita Yaubada Natuna 'enaya 'imiyami, tai nina yawasina bobo'ana ni'atu 'ilobena, ta 'abo yaita nigeya Yaubada Natuna 'enaya, tauna nigeya.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Madiu 13:43

“Be muliyega topalupaluyao Tamadi 'ina 'ebeloina solanaya sida tuyayala, sinala nadigega. “'Eguma yaita matenana 'ida nono.

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 14:3

Ta 'abo yatatauya sena nina 'ena be 'imi sena yagibubu, ma'etamo yada ilama be yada 'au'ewami be sena nina 'ena yamiyami 'omi wate 'ena wamiyami.

2 Timoti 1:1

Kagutoki natu'ai'ailigu 'oyo Timoti, 'imu leta gete 'eguyega. 'Abo'agu Yesu Keliso 'ana tosimana, nadigega Yaubada 'ina nuwanuwa ga yaetosimana yawasi bobo'ana Yesu Keliso 'enega manuna. Tamada Yaubada be 'ida 'Inapwana Yesu Keliso ma idi oboboma sida 'atenuwa 'ole'oleyeyo be 'enega 'uda miya gwausowala.

1 Tesalonaika 4:17

ta 'enega 'abo'ada wate mayawasida ma'edao tatutu'e galewaya, be 'ida 'Inapwana ma'eda taelobaloba pwana 'ediya, be tauna ma'edai tada miyaataya.

1 Kolinita 1:7

ta wate Yaubada 'ina 'ebwaya bobo'adi maibo'adi 'emiya simiyami, tuta gete wayamwayamwa 'ida 'Inapwana Yesu Keliso 'ina apwesa limanama manuna.

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

E'ita'ita 2:7

“'Enega 'abo yaita 'omi matenana 'ida nono Yaluyaluwa Tabuna 'ina ona toekalesiyao 'ediya. “Ta 'abo 'omi yaita 'iewaiwai, 'enaya yawasida 'ana kaiwe uwana yatagwale be 'ida 'ani, kaiwe nina 'itootoolo Yaubada 'ina bagulaya.”

1 Timoti 6:14

Ta 'igu loina nina 'aene emataluwa getedi 'umuliya 'ai'ailidi, ta geya'abo 'ebweu 'ena 'uneeneta, be 'ana laba 'ida 'Inapwana Yesu Keliso 'iila limanama.

Guinuwa 3:15

'Enega yawasi bobo'ana 'ana to'ebwaya waloemwawasina, ta Yaubada tauna mwawasega 'igietoolo limena, ga maibo'ama 'a'itena.

Luke 17:30

“Yage nidi siapwesa 'ediya, 'iabe wate nadigega tomota 'ediya sida apwesa'esa, 'abo tuta nina 'abo'agu Tomota Natuna yaila limanama.

Loma 8:18

Ta 'elouyao gete tuga talobalobadi yanuwena 'aene nigeya yage sinabwana, manuna miya bobo'ana nidi ma'etamo talobadi, bobo'ana wawasae,

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.