Kolose 2:19 - Loina Tabu Auwauna NT

¹⁹ ta esi Keliso nigeya sigiyagiyai, tauna debada, ta 'abo'ada welawela'anao oo 'ebweuna 'ena, ga welawela'anao 'ebweuna 'ebweuna siguiguinuwa oo 'ebweuna 'ina bobo'ana manuna, be oo nina 'isinasinabwa, ta 'ana sinabwa nina Yaubada 'ina guinuwega.

Kolose 2:19 Referans Kwoze

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

1 Pita 3:8

Gete 'igu ona 'ana 'ebe losalowa 'emiya 'aene 'imi nuwenuwega be 'ami lotoonega wada e'ebweu be wada eoboobobomemi, be ma imi nuwamwa'uta wada 'atenuwa 'ole'oleyemi.

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

1 Tesalonaika 4:10

Nadigega wate tomota maibo'adi sena Masidonia solanaya waobobomedi. 'Enega 'ada lo'aetuetunemi be 'imi oboboma nina 'ena wada ewaiwai,

1 Tesalonaika 3:12

Ta 'eluwena 'aene 'Inapwana obobomega 'ida loemaemi be taumimo wada eoboobobomemi, ta wate mali tomota wada oboboma 'ai'ailidi, nadigega 'abo'ama 'aoboboma 'esemi,

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

Kolose 1:18

'Abo'ada toekalesiyao 'atuwa welawela'anao, ta tauna debada, ta tauna 'ebe e'ale, ta mwawasega tauna togimitoolo limana, be 'enega yage maibo'adi 'iloetana sinedi.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Epeso 5:29

Manuna nigeya 'ebweu wate tai taunamo oona 'ena 'ida etalauwala, ta esi 'i'ita'i'isi be 'ana masula 'ie'ani oona 'ana lema manuna, nadigega Keliso toekalesiyao 'abo'ada 'i'ita'i'isida,

Epeso 4:3

be wada etapewa waiwai, be 'enega Yaluyaluwa Tabuna 'ibwagilimi, be ma imi nuwasiwalowa wada miyami gwausowalega.

Epeso 1:22

Manuna Yaubada Keliso 'ina 'ebeloina 'i'ebwa'ena yage maibo'adi manudi be 'ida loinedi, ta toekalesiyao wate maibo'ada 'iloiloina 'edaya,

1 Kolinita 3:6

'Abo'agu 'igu paisewa toasowa tuga, ta Apolosa to'ita'i'ita, ta Yaubada sa'i tauna 'ina waiwaiyega masula 'isusaila.

1 Kolinita 1:10

Tasigwao, gete 'igu loguguya 'emiya 'ida 'Inapwana Yesu Keliso 'ana esanega be 'aene wanuwanuwa leleleya be waona leleleya, ta esi geya'abo waegewagewana nai waweyaweyalimi.

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Guinuwa 4:32

Boda nidi Yesu siemisena, ta 'idi nuwanuwa maibo'ana leleleya, ta nigeya sida egewagewana be sida gwae, “'Igu yage gete, ta 'omi nigeya.” Ta esi 'idi gwegwe maibo'adi sitagwaledi boda maibo'adi 'idi guinuwa manudi.

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

1 Kolinita 11:3

'Enega nuwanuwagu be wada mwalatoni 'aene Keliso me'olotoda 'ida 'Inapwana, ta esi iine 'idi 'inapwanao nate mwanediyao, ta Keliso 'ina 'Inapwana Yaubada.

Epeso 1:23

manuna toekalesiyao 'abo'ada 'atuwa Keliso oona welawela'anao, manuna Keliso nina yage yauyauna sawesawenaya sena maibo'ana 'ediya.

Epeso 2:21

be 'enega 'abo'ada maibo'ada taeanuwa 'ana mwadale, ta Yesu 'i'abida be taeanuwa sinabwana ta 'esasena,

Luke 5:38

Ta esi tada siwa 'ebesiwa auwau daisidimo 'ediya.