Kolose 1:27 - Loina Tabu Auwauna NT

²⁷ Mwalatoi gete lowa kwaikwaiyina, ta 'ibobo'ana wawasae, Yaubada nuwanuwana be 'iloeapwese 'omi nigeya me Yudia 'emiya. Mwalatoi nina nate Keliso 'atemiya 'imiyami, be tauna 'enega wada nuwayaina 'aene sena esaesa 'ena walulugu.

Kolose 1:27 Referans Kwoze

Yoni 14:20

Ta 'asiyata gote 'ena wada mwalatonigu 'aene 'abo'agu Tamagu 'ena yamiyami, ta 'omi 'eguya wamiyami ta 'abo'agu 'emiya yamiyami.

Loma 8:10

Ta ona'ai'aila, ooda mwawamwawasidi bubuna to'umalinega, ta esi 'abo Keliso 'edaya 'imiyami, yaluyaluwada geya'abo simwawamwawasa, ta esi mayawasida 'ida miya bobo'ana, manuna ni'atu 'igiepaepaluyeda.

1 Yoni 4:4

Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

1 Kolinita 3:16

'Enega wada nuwa'i'isi 'aene 'abo'ada Yaubada 'ina Anuwa Tabu, manuna Yaubada Yaluyaluwana 'edaya 'imiyami.

E'ita'ita 3:20

“Ta wa'ita, 'abo'agu 'imi 'awa 'ena yatootoolo ta ya'au'aukeke. Ta 'abo yaita 'oyo 'enagu 'unono be 'awa 'ugigege, 'imu anuwaya yalulugu be 'abo'agu ta 'oyo taegosigosiyana, be 'oyo ma'iyagu tada 'e'ai leleleya.

Yoni 14:17

Ta me bale'u nigeya sawesawediya be Yaluyaluwa nina 'ena sitatagwala, manuna 'ana 'ita nigeya sida 'itena ta nigeya sida mwalatonina. Ta esi tolema nina wamwalatonina 'aene tuta yauyauna 'atemiya 'imiyami.

Galetia 4:19

Natugwao, manumi 'ategu 'iuyauya tuta maibo'ana, 'imi sanaila manuna, be 'ana laba Keliso 'emiya 'iapwesa limana, be 'atemiya 'ida miyami, be 'enega 'agu lotoona 'ida bobo'ana limana.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

1 Timoti 1:1

Kagutoki Timoti. 'Imu leta gete 'eguyega 'iweewa. 'Ada To'etoseyana nina Yaubada be Yesu Keliso 'idi loinega, Keliso manuna yaetosimana, manuna Keliso 'ena taemiemisa 'ada 'etoseyana manuna.

Kolose 2:3

Ta Keliso nina 'ena sinasinapu be mwalatoi maibo'adi simiyami, nate 'ida esaesa sinabwana.

Yoni 14:23

Ta Yesu 'ena 'igwae, “'Abo 'oyo yaita 'uobobomegu 'igu ona 'uda muliyedi, 'enega Tamagu 'ida obobomeyo, be 'enega Tamagu ma'iyagu 'awawai 'emuya, be 'oyo ma'ema tada miya leleleya.

2 Kolinita 6:16

Wate nigeya sawesawenaya mali 'ebe emisao wasa'u luguyedi Yaubada 'ina anuwa solanaya, ta Yaubada tauna mayawasina ga 'ina anuwa 'abo'ada, ta 'igwae, “ ‘'Abo'agu taudi 'ediya yada e'asa be soladiya yada adadana, be 'abo'agu 'idi Yaubada ta taudi 'igu tomotaiyao.’

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

Yoni 17:26

'Enega ni'atu 'imu bubuna yae'itaena 'ediya, ta ma'etamo wate yada e'ita limadi be sida mwalatoi 'ai'ailiyo, 'enega 'imu oboboma nina 'ateguya 'imiyami, taudi wate 'atediya 'ida miyami, ta 'abo'agu wate 'ediya yada miyami.”

Epeso 2:22

ta wate 'omi nigeya me Yudia ni'atu waemwadale 'atuwa, ga 'emiyega anuwa nina 'i'abina, be 'aene anuwa nina 'enaya Yaubada Yaluyaluwana 'ilo'asa.

Yoni 6:56

'Enega 'abo yaita tauna bwalagu 'i'a'ani be lalagu 'inumai tauna 'eguya 'imiyami, ta wate 'abo'agu 'enaya yamiyami.

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Pilipai 4:19

'Enega 'igu Yaubada nina 'imi nuwanuwao maibo'adi 'ida 'ebwa'emi, nate tauna 'ina esaesa yau wawasae Yesu Keliso 'ina guinuwao 'ediyega.

Loma 9:23

Ta wate nuwanuwana be 'ina esaesao nidi lowa 'igibubudi 'abo'ada 'iobobomeda manuda, be 'aene 'ida e'itada.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

Kolose 1:5

manuna wanuwanuwayaina 'aene 'imi 'ebe gwausowala ma'etamo galewaya waloba, nadigega lowa tetela bobo'ai'ailina wanonona.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

Luke 17:21

Ta wate nigeya sawesawediya be sida gwae, ‘Wa'ita gete’, nai ‘Gote’, manuna ni'atu Yaubada 'ina loina 'emiya 'imiyami.”

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

2 Kolinita 2:14

'Enega Yaubada 'ena yalokagutoki, manuna Keliso 'ina waiwaiyega tuta yauna 'igiegie waiwaiyema be 'ima guinuwao 'ediya Keliso 'ana mwalatoi sena maibo'ana 'ediya 'i'elelewana 'atuwa senina maina bobo'ana wawasae 'i'elelewana be tomota simuimui,

Loma 11:33

Yaubada 'ina loina be 'ina mwalatoi sinabwa wawasae manudi geya'abo tagwaegwae, ta 'abo'ada nigeya 'ebweu yaita sawesawenaya be Yaubada 'ina nuwanuwa be 'ina guinuwao 'isinapudi.

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Ibeliu 6:19

'Ida nuwayaina nina 'atuwa 'ida loomu waiwaina, be 'enega kaleko pitaupa talubwale be talulugu Yaubada 'ina 'ebemiya 'ena.