Ibeliu 6:20 - Loina Tabu Auwauna NT

²⁰ Gote 'ena Yesu ni'atu manuda 'igimilugu, ta 'ietotaliya sinabwana ta miyamiya atayana manuda, nadigega Melikisedeki lowaenei.

Ibeliu 6:20 Referans Kwoze

Ibeliu 4:14

'Ida totaliya sinabwana ta bobo'ana 'imiyami, tauna Yesu, Yaubada Natuna, ni'atu manuda 'itu'e galewaya, 'enega 'ida emisa 'enaya tagiyai'i'isi.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 5:6

Ta wate 'ina ona 'eluwena, 'igwae, “'Oyo 'uetotaliya ataya nadigega Melikisedeki.”

Ibeliu 5:10

manuna Yaubada Yesu 'iaseyena be 'ietotaliya ataya nadigega Melikisedeki.

Ibeliu 9:24

Ta Keliso nigeya 'ilugulugu Anuwa Tabu 'abi'abina 'enaya, nate Anuwa 'ai'aila 'ana ma'ama'ayau tuga, ta esi galewaya 'ilugu ga Yaubada matanaya 'imiyami be 'ilemalema manuda.

Ibeliu 9:12

'Enega Yesu Sena Tabu Wawasae 'ena 'ilugu ma'ebweuna ga lala 'enega 'iguinuwa, ta lala nina nigeya yobai laladi, goti nai bulumakau gidalidi laladi, ta esi tauna lalana ga 'enega 'ada gie'esasa ataya talobena.

Ibeliu 8:1

'Igu ona maibo'ana 'alena gete 'aene 'ida totaliya sinabwana, ta gete tuga Toloetana sana galewaya 'ina 'ebemi esaesa 'atainaya 'imiyami.

Ibeliu 2:10

Yaubada yage maibo'adi 'imweluluidi tauna manuna, 'enega nuwanuwana natunao yauyaudi 'i'au'ewedima tauna 'ina sena esaesa 'enaya, ta 'ilobwenena be Yaubada nina 'ada To'etoseyana 'ida gie'esase, manuna 'elouya sinabwana 'ilotoona, ta tuwa tuga 'ie'alama'i'ita, ga 'enega 'ina bubuna maibo'ana 'esasena.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Loma 8:34

Ga wate nigeya sawesawenaya be 'ebweu yaita 'ina ona mwauna 'edaya 'isa'u, manuna Yesu Keliso ni'atu manuda 'imwawasa ga mwawasega 'itoolo limana, 'enega gete tuga Yaubada 'atainaya 'imiyami, ta manuda 'isidasida.

1 Yoni 2:12

Gogama ye, ona gete ya'etoladinawa manuna 'imi loegesiyao Yaubada 'inuwataudi, Yesu 'ana esanega.

1 Pita 3:22

tauna ni'atu 'itu'e galewaya ga gete tuga Yaubada 'atainaya 'imiyami, ga aniloseyao be galewa 'adi toloinao maibo'adi 'iloiloinedi.

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Epeso 1:3

Gosegwao tada lokagutoki Yaubada 'enaya, tauna 'ida 'Inapwana Yesu Keliso Tamana, ga Keliso 'enega yaluyaluwada 'iobobomedi esaesa galewa maibo'adi 'ediyega.