Ibeliu 6:10 - Loina Tabu Auwauna NT

¹⁰ Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

Ibeliu 6:10 Referans Kwoze

Madiu 10:42

Ta 'abo 'oyo bwasi gonitu 'agu toemisa auwauna 'ebweu 'ena 'u'ebwaya, yaeonayo ma'etamo 'amu pali bobo'ana 'uloba.”

Ibeliu 13:16

'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

Guinuwa 10:4

Ta Konilio anilose nina 'iduneduneyena ga ma ina matauta, ta 'igwae, “'Inapwana! To'ase?” Ta anilose 'igwae, “Yaubada 'imu sidasida be 'imu lema togomabeso 'ediya 'imwalatonina, ga manudi 'inuwa'i'isimu.

1 Tesalonaika 1:3

manuna 'imi emisa be 'imi guinuwa bobo'adi 'anuwa'i'isidi, ta wate 'imi guinuwao oboboma 'enega, be 'imi e'alama'i'ita ma imi emisa be 'aene 'ida 'Inapwana Yesu Keliso 'ida 'etoseyemi.

Kolose 3:17

Ta 'imi guinuwa maibo'adi, nate 'imi onao nai 'imi paisewao, maibo'ana 'ida 'Inapwana Yesu 'ana esanega wada guinuwa, ma imi lokagutoki Yesu 'ana esanega, Tamada Yaubada 'enaya.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

Maki 9:41

“Ta wate wada nuwa'i'isi 'aene 'eguma tona'ami 'iyapayapasa be 'ebweu yaita 'ienumami manuna 'omi Keliso 'ina bodao, tauna 'ana pali bobo'ana ma'etamo 'iloba.

Loma 12:13

Ta 'abo tasimiyao mwau 'ediya 'iapwesa, 'imi gwegweyega wada lemedi, be wada bwauyedi 'imi anuwaya.

Guinuwa 11:29

Ta tuta nina Yesu 'ana tomuliyao Agabu 'ina simana nina sinonona, taudimo siloiloina be 'ebweuna 'ebweuna sida tootoo be sida 'ebwayadaita be lema mani sida etune gosediyao nidi sena Yudia 'ena simiyami,

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

Guinuwa 10:31

Ta 'ieonegu, ‘Konilio, Yaubada 'imu sidasida ni'atu 'inonodi, ta wate 'imu lema gomabeso 'ediya 'inuwa'i'isidi.

Yoni 13:20

“Ona'ai'aila, ma'etamo yaetunemi tomota 'ediya be 'abo yaita 'itagwala 'emiya, nate tauna ni'atu 'itagwala 'eguya, ta wate 'itagwala 'agu toetune nina 'enaya.”

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

2 Kolinita 9:1

Geya'abo leta 'enega yaemaemataluwemi 'imi 'ebwayadaita toekalesiyao manudi, manuna ni'atu wamwalamwalatoni,

1 Yoni 1:9

Ta esi 'eguma tasimana 'ai'aili be tagwae, “O! Ni'atu yaloegesi,” Yaubada 'ida to'umalinao 'ida nuwataudi be 'enega 'igie'esasa 'ai'ailida, sawesawenaya be Yaubada tauna Topalupaluna taemise.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Ibeliu 10:32

Gosegwao, lowa maedana 'ina gimimai 'emiya wanuwa'i'isi tuta nina 'imi miyamwau 'ediyega wae'alama'i'itana,

Madiu 20:7

“Ta sigwae, ‘Manuna nigeya 'ebweu yaita 'ibwaubwauyema sabi paisewa.’ Ga tai nina 'igwae, ‘'Omi wate watauya 'igu bagulaya be wapaisewa.’

Madiu 25:17

Tai 'eluwena wate nadigega 'ina tu analedi kina nidi 'iepaisewaedi ga 'ediyega 'ina 'inapwana 'ina mani 'ana loeposeyana tu analedi wate 'ilobena.