Ibeliu 3:1 - Loina Tabu Auwauna NT

¹ Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:1 Referans Kwoze

2 Timoti 1:9

Yaubada nina 'i'etoseyeda ga 'ibwauyeda 'ina guinuwa bobo'adi sabi guinuwedi. Ona'ai'aila, nigeya 'abo'ada 'ida bobo'ana manuna ga 'enega 'iesinuweda, ta esi tauna 'ina nuwena ta 'ina oboboma 'edaya lowaenei Yesu Keliso 'enega manuna,

Pilipai 3:14

nate 'ebe masi nina, nai Yaubada 'ina pali galewaya, Yesu Keliso 'enega.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 10:21

Ta wate 'ida totaliya nina Toloetana sana ga Yaubada 'ina anuwa manuna 'iguiguinuwa.

Epeso 4:4

Ona'ai'aila ooda 'ebweuna, ga 'ida nuwayaina wate 'ebweuna namo tuga, ga manuna 'ibwauyedama 'omi ta 'abo'ama, ta Yaluyaluwa Tabuna wate 'ebweuna,

1 Tesalonaika 2:12

ta wate 'aloguguyemi be 'agiepa'alimi, ta wate 'aeonemi be 'aene wada bubuna bobo'ana, manuna Yaubada ni'atu 'iesinuwemi tauna 'ina 'ebeloina 'esasena manuna.

1 Kolinita 9:23

'Igu paisewa gete tetela bobo'ana manuna, be 'aene 'omi ma'egwao 'etoseyana tada loba tetela nina 'enega.

2 Timoti 2:7

'Igu onao getedi 'unuwa'i'isidi, ta 'adi nuwasabwalena maibo'ana 'ida 'Inapwana tauna 'ida 'ebwa'eyo.

1 Timoti 6:12

ta wate tapwalolo 'ana guinuwa bobo'adi 'ediya 'utoo be 'uewaiwai, ta yawasiyo ataya wate 'ugiyai'i'isi, manuna lowa Yaubada 'iesinuwemuya, tuta nina 'imu emisa Yaubada 'enaya 'usimana apwesena tomota yaudi matadiya.

Loma 15:8

Ta wada nuwa'i'isi 'aene Keliso wate me Yudia 'ediya 'ietoguinuwa, be 'enega Yaubada 'ina onaupaupa nina gimi 'inapwanao 'ediya 'ana 'ai'aila 'ida apwesa,

Ibeliu 2:11

Yesu nina 'ada To'etoseyana ga 'abo'ada wate 'igie'esaseda, ta tauna be 'abo'ada Yaubada 'enega tamai, 'enega geya'abo Yesu 'iomayamaya manuda, ta esi 'i'awa'awa tasineda,

Yoni 20:21

Ta Yesu wate 'ediya 'igwae, “Geya'abo wamatamatauta. Tamagu tauna 'ietuneguma, ta 'abo'agu wate nadigega yada etunemi.”

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Timoti 6:2

Wate 'ali'eiyao nidi 'eguma 'idi 'inapwanao ma'ediyao si'awatasina Keliso 'ana emisa 'enaya, be 'enega geya'abo 'idi 'inapwanao 'adi 'amayaba silosalosa'u, ta esi sida etapewa waiwai manudi, be 'idi guinuwa bobo'ana 'ida sinabwa, manuna 'idi 'inapwanao nidi taudi Keliso 'ana toemisao, 'enega obobomega 'ediya sida paisewa. E'ita getedi 'uloguloguguyaedi tomota 'ediya.

2 Tesalonaika 2:14

Tetela nina lowa 'aloguguyaena 'emiya ga waemisena, ga gete 'enega 'ida 'Inapwana Yesu Keliso 'ina esaesa 'i'ebwa'emi.

2 Tesalonaika 1:11

Lowa Yaubada 'iesinuwemi ga 'ibwauyemi, ga 'enega waemisena. Gete manuna 'abo'ama tuta yauyauna 'asidasida manumi be 'aene wada muliya 'ai'aili. Manuna 'omi nuwanuwami be emisa 'ai'ailega wada bubuna palupalu, 'enega 'ima sidasida Yaubada 'enaya 'aene 'ida giewaiwaiyemi be guinuwa nidi wada guinuwedi.

1 Tesalonaika 5:27

Ta yaloinemi Yaubada 'ana esanega be leta gete tasidao matadiya wada sawa.

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Kolose 1:22

ta Yesu oona 'ina mwawasa 'enega 'i'au'ewemi ga Yaubada ma'emi waegosigosiyana limana, ma imi bubuna bobo'ana ta 'esasena matanaya,

Kolose 1:12

wada lokagutoki Tamada 'ena, manuna tauna 'ina tagwalega sena maemaedanina 'ena tamiyami, 'ina tomotaiyao ma'edao.

2 Kolinita 1:7

'Enega 'ima emisa 'omi manumi ni'atu 'iewaiwai, manuna 'amwalatonimi 'aene wa'elo'elouya 'abo'ama nadigega, be wate nadigega wada 'atepatu nadigega 'abo'ama.

Loma 15:27

manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

Loma 9:24

'Enega boda 'eluwa 'ediyega 'ibwauyeda, me Yudia 'emega, ta 'omi nigeya me Yudia 'emiyega.

Yoni 20:27

Ta Tomasi 'ena 'iona, “Gete nimagu, 'u'ita, be nimayo 'uda sa'udi we'iwe'iyaya nidi 'ediya, ta wate nimayo 'uda sa'uluguye lesulesuguya, be 'enega 'uda emisegu, ta esi geya'abo 'u'awa'awa kabokabo.”

E'ita'ita 18:20

“Wada gwausowala galewaya 'omi Yaubada 'ina tomotaiyao, be wate palopitao, be 'ana tosimanao ma'emiyao wada gwausowala, manuna lowa 'imi 'elouya 'asa nina 'enega walobena, ta gete tuga Yaubada sa'i 'elouya 'enega 'ie'isedi.”

E'ita'ita 17:14

Be 'enega Lami 'enaya sida losaiya, ta Lami nina 'ida ewaiwai sinedi, manuna tauna 'inapwanao 'idi 'inapwana, ta kiniyao 'idi kini, ta wate taudi 'ina esinuwega 'ibwauyedima, taudi 'ana tomuliya 'ai'ailao ma'enao.”

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

1 Pita 3:5

Nadigega lowa taudi iine totapwalolo Yaubada siemisena ga 'atedi sieiyalina bubuna nuwana be nuwamwa'uta 'ediyega, ga mwanediyao si'amayabedi.

Ibeliu 9:11

Manuna Keliso 'ina taliya 'enega miya bobo'ana wawasae 'i'ebwa'eda, ga mali Anuwa Tabu 'ena 'ilugu, ta anuwa nina sinabwana ta bobo'ana. Manuna tomota nigeya si'abi'abi sena gete bale'u 'enaya.

Ibeliu 6:20

Gote 'ena Yesu ni'atu manuda 'igimilugu, ta 'ietotaliya sinabwana ta miyamiya atayana manuda, nadigega Melikisedeki lowaenei.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

1 Kolinita 10:17

Beledi nina 'ebweuna 'enega maibo'ada ta'e'ai, 'enega Keliso oona 'enaya taeboda 'ebweuna.

Yoni 17:3

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

2 Kolinita 9:13

Ta togomabeso nidi sida gwausowala 'adi lema be mali boda wate 'adi lema bobo'adi 'emiyega manuna, be wate 'imi ematamatana Keliso tetelina 'enaya manuna sida ona'ai'aila, be wate Yaubada sida tupu,

Ibeliu 3:12

Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

Ibeliu 7:28

'Epata nuganuganidi 'ediya Mosese 'ina loinega tomota mayaluyaluwa nenetadi sietotaliya sinabwana, ta muliyega Yaubada 'ina onaupaupa 'enega Natuna tauna adelina palupaluna 'ietotaliya ataya.

Ibeliu 9:15

Ona'ai'aila, Keliso nina loina auwauna 'ime'ena ga 'enega tamai be Yaubada ma'edai taegosigosiyana, manuna 'abo 'iesinuweda yawasida ataya 'iona upaupaenaya 'i'ebwa'eda. Manuna 'abo'ada gimi loina tale'oena, 'enega 'ilobwenena be tada mwawasa, ta Keliso manuda ni'atu 'imwawasa sabi 'etoseyeda.

Ibeliu 10:19

Gosegwao, Yesu lalana manuda ni'atu 'idau, 'enega ma ida 'atepatu talulugu Yaubada 'ina Sena Tabu Wawasae 'enaya,

Ibeliu 10:23

'Enega tatoolo pa'ala be 'ida emisa Yesu 'ena tada giyagiyai, be tasimana apwesa tomota 'ediya, manuna Toonaupaupa nina nigeya 'ida kabo ta esi 'ina onao nidi nadigega 'iguiguinuwa 'esedi.

Ibeliu 13:22

Gosegwao, 'imi leta gete kukupana tuga ta yasida 'emiya be ma imi 'alama'i'ita 'igu loguguya gete wada nono.