Ibeliu 2:3 - Loina Tabu Auwauna NT

³ 'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 2:3 Referans Kwoze

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Loma 2:3

Ta gosegwao 'omi, 'abo mali tomota walo'aegiledi wanuwena 'aene Yaubada 'ina bwa'omatana geya'abo walobaloba. Nigeya! 'Ida loinemi wate, manuna bubuna nidi 'omi tuga nadigega waguiguinuwedi.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

Ibeliu 4:11

Ta 'ilobweneda be tatoo waiwai be 'ebe eyawai'ata nina taloba, ta geya'abo 'ebweu yaita 'ilooguitoyasa, 'abona nai 'ibebe'u, nadigega taudi lowaenei sibe'u'esa.

Ibeliu 1:2

Ta 'ebe losalowa 'abo'ada 'ida tutaya, 'ina onao 'isimanedi 'edaya, natuna 'enega. Yaubada natunana 'iesinuwena, be yage maibo'adi 'ediya 'ietoloina, ta lowaenei natunana ma'iyana yage maibo'ana simweluluidi.

Luke 1:2

Tetela nidi si'etoladidi to'ase nadigega taudi to'awa'ai'ailao sigimi'itena, 'enega siloguguya ga siemwasala 'emaya,

E'ita'ita 7:10

ga 'enadi sinabwanega sibwaubwau, sigwae, “'Ada 'etoseyana 'ida Yaubada 'enega, tauna 'ebemi esaesa 'ena 'imiyatowa, ta wate Lami nina 'enega.”

Taito 2:11

Yaubada 'ina oboboma nina ni'atu 'iapwesama tomota 'ada 'etoseyana manuna,

1 Timoti 1:15

Ona gete ona 'ai'aila, ta 'ilobwenena be taemise, manuna Yesu Keliso ni'atu bale'uya 'imai toto'umalidi sabi 'etoseyedi, ta toto'umalidi maibo'adi 'ediyega 'abo'agu toto'umali wawasae.

Madiu 23:33

'Omi mwata natunao, ta nigeya sawesawenaya be 'asagabugabu 'enega wadedena.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Guinuwa 1:22

Yesu 'ina bapitaiso Yoni 'enega ga 'ana laba 'ina tu'e galewaya, 'ina sakowasi maibo'ana 'ediya, be tai nina ma'edai tada simana Yesu 'ina toololimana manuna.”

Yoni 15:27

ta 'omi wate wada etosimana manugu, manuna 'igu paisewa 'ana 'ebe e'ale'unu 'enega ga batuwa 'omi ma'egwao.”

Luke 24:19

'Enega Yesu 'ieonedi, “To yage sana?” Ga taudi sigwae, “Yage nidi Yesu goma Nasaleta 'enaya siapwesa. Tai getei tauna palopita, ta wate Yaubada be tomota matadiya 'ina onao be 'ina guinuwao waiwaidi.

Maki 1:14

Ga tuta nina 'ena Kini Elodi 'iloina ga 'enega Yoni deliya sisa'u luguyena ga muliyega Yesu 'iapwesa Galili, ga Tetela bobo'ana Yaubada 'enega 'iloguguyaena,

1 Tesalonaika 5:3

be 'abo tomota 'aidi sigwae, “'Ida miya maibo'ana bobo'ana tuga,” ta muliyega esilae 'ida loesalutunidi, nadigega waine 'ina 'elouya tuta enatuna 'ena. 'Enega nadigega esilae nina nigeya sawesawenaya sidenasine.

Luke 1:69

'Enega tauna Yaubada 'ina 'ali'ei Debida 'ina susuyega 'ida To'etoseyana nina 'igieapwesena 'edaya.

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

Ibeliu 1:1

Lowaenei 'eda yauna 'ediyega Yaubada 'ina ona palopitao 'i'ebwa'edi, ga taudi sisimanena tubudao 'ediya.

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

1 Yoni 1:1

Gimi tutaya ona nina yawasida manuna Tamada ma'iyana simiyami, 'enega 'abo'ama wate tenamega 'anonona, ta wate nimamega tai nina 'agitoona, manuna ni'atu 'iapwesama ta matamega 'a'itena, ga tauna manuna 'asimasimana 'emiya, nate tauna yawasi ataya 'alena, ta lowa tauna Tamana ma'iyana simiyamiya, ni'atu 'iapwesama 'emaya.

Yude 1:17

Gosegwao, 'ida 'Inapwana Yesu Keliso 'ana tosimanao 'idi onaupaupa wanuwa'i'isi tuta nina sigwae, “Tuta 'ana 'ebe losalowa 'enaya 'aidi tomota bubuna palupaluna sida ona 'eeteteye, manuna taudi 'adi lotoona to'umalina 'enega sitatauya.”