Ibeliu 12:23 - Loina Tabu Auwauna NT

²³ ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

Ibeliu 12:23 Referans Kwoze

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.

Ibeliu 11:40

manuna 'ebe gwausowala manuda Yaubada 'igimi simanena, be 'aene taudi ma'etamo ma'edao tada miya bobo'ana.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

E'ita'ita 14:4

Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

Ibeliu 9:27

Tomota 'abo'ada 'ada loina 'imiyami 'aene ma'ebweuna tamwamwawasa be muliyega bwa'omatana.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

1 Pita 2:23

Ta tuta nina si'awa to'umaliyena nigeya wate 'ediya 'ie'ie'isa, ta wate sigie'elouyaena ta nigeya 'igamwagamwasowaledi, ta esi Yaubada 'iemisa 'ai'ailena, manuna tauna Toloina palupaluna.

Ibeliu 11:4

'Enega Ebeli wate ma ina emisa 'italiya Yaubada 'enaya, 'enega 'ina taliya nina Keni 'ina taliya 'ibobo'ana sinena, ta Yaubada 'igwausowala Ebeli 'ina taliya manuna ga 'i'awa palupaluyena. Ebeli nina ni'atu bale'u 'ipilisinena ta esi 'ina emisa 'enega 'ie'ie'ita 'edaya.

1 Timoti 3:5

Ta 'eguma tai nigeya sawesawenaya natunao 'iloina palupaluyedi, tauna nigeya sawesawenaya be Yaubada 'ina toekalesiyao wate 'iloina palupaluyedi, aga?

Pilipai 4:3

Wate gosiya 'ai'ailigu, 'oyo toanugana, yasideyo be iine nidi 'ulemedi, manuna lowa taudi ma'egwao 'aguiguinuwa leleleya, tetela bobo'ana 'ana simana 'enaya, ta wate Kelemeniti be 'aidi wate 'agu tolemao ma'emao 'apaipaisewa, taudi 'adi esanao yawasi bukina solanaya 'eto'etoladina.

Epeso 1:22

Manuna Yaubada Keliso 'ina 'ebeloina 'i'ebwa'ena yage maibo'adi manudi be 'ida loinedi, ta toekalesiyao wate maibo'ada 'iloiloina 'edaya,

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Yoni 5:27

Ta wate bwa'omatana 'ana loina 'i'ebwa'eguya be yada guinuwedi manuna 'abo'agu yaetomotai bale'uya.

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

Kolose 1:12

wada lokagutoki Tamada 'ena, manuna tauna 'ina tagwalega sena maemaedanina 'ena tamiyami, 'ina tomotaiyao ma'edao.

2 Kolinita 5:8

'Enega ta'atepatu, ta nuwanuwada bwalada tapilisinedi be 'Inapwana 'ina senaya taapwesa.

1 Kolinita 15:54

Be 'etamo tuta gote 'enaya Buki Tabu 'ana 'awa'ai'aila 'ida apwesa, nate 'igwae, “'Ida ewaiwai 'ai'aila be mwawasa 'igugumwala.

1 Kolinita 13:12

Gete tugai 'ida mwalatoi nigeya sinabwana, 'atuwa ma'ama'ayau nadigega, nai kunuwadawada nadigega, ta esi ma'etamo be 'enega 'ana 'ai'aila 'ida apwesa 'edaya. Ta 'abo'agu sinasinapu tupwana namo yamwalamwalatoni, ta ma'etamo esiya maibo'ana yamwalatoni, nadigega gete tuga Yaubada 'imwalatoi 'ai'ailigu.

Ibeliu 2:12

manuna 'ina ona Tamana 'enaya, 'igwae, “'Amu esana yada simane tasigwao 'ediya, be deliegogona solanaya yatupuyo.”

E'ita'ita 6:9

'Enega wate lami nina losipwa enimana 'ili'amina, ga Yaubada 'ina 'ebe taliya 'ubuninaya 'ana tosimanao yaluyaluwadi ya'itedi, taudi lowa bale'uya Yaubada 'ina ona 'ana tosimanao bobo'adi, ta gete manuna tomota sietalauwaledi ga siloemwawasidi.

E'ita'ita 6:11

'Enega yaluyaluwa nidi 'adi 'oamao wakewakekedi 'i'ebwa'edi, ga 'ieonedi be tuta gidalina namo sida eyawai'ata, 'ana laba 'aidi wate gosediyao me bale'u sida loemwawasidi, nadigega tuga lowa taudi siloemwawasidi Yaubada 'ina guinuwa manuna, be 'enega 'abo 'adi sawasawa ni'atu sawesawenaya, 'enega Yaubada me bale'u nidi 'ida loinedi.