Ibeliu 11:16 - Loina Tabu Auwauna NT

¹⁶ ta esi nigeya siilaila, manuna nuwanuwadi 'asa bobo'ana wawasae, nate galewaya. 'Enega geya'abo Yaubada 'iomayamayaedi ta esi 'aene tauna 'idi Yaubada, ga 'idi 'asa 'igibubuna.

Ibeliu 11:16 Referans Kwoze

Ibeliu 13:14

Manuna bada bale'uya nigeya 'ebweu 'ida 'asa miyamiya atayana 'imiyami, 'enega 'ilobweneda be 'asa miyamiya atayana tuta 'imeemai manuna tada 'ebese.

Ibeliu 11:10

Ta esi Ebelaamo 'inuwayaina 'aene 'asa nina 'ana 'autui pa'alina 'ena 'ilulugu, nate Yaubada 'imweluluina, nai 'i'abina.

Pilipai 3:20

Ta 'abo'ada esi 'ida sena galewaya, be gote 'enega 'ada To'etoseyana, tauna 'ida 'Inapwana Yesu Keliso, ma'etamo 'iilama, ta tauna manuna tayamwayamwa.

Yoni 14:2

Ta Tamagu 'ina senaya anuwa yaudi sitootoolo. 'Enega 'abo'agu sena nina 'ena yatatauya be 'imi sena yagibubu. 'Eguma ona gete nigeya ona'ai'aila, geya'abo sa'i gete nadigega yasimasimana'esa 'emiya.

Ibeliu 2:11

Yesu nina 'ada To'etoseyana ga 'abo'ada wate 'igie'esaseda, ta tauna be 'abo'ada Yaubada 'enega tamai, 'enega geya'abo Yesu 'iomayamaya manuda, ta esi 'i'awa'awa tasineda,

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Ibeliu 12:22

Ta 'omi esiya ni'atu wamai Sayoni 'oyana 'enaya, nate Yaubada tauna mayawasina 'ina 'asa, Yelusalema nina galewaya 'ena, aniloseyao yau wawasae simiyami ta sigwaugwausowala 'atuwa sagali 'enaya,

Ibeliu 11:14

Ona'ai'aila, 'abo ta'awa 'owagaeda, nate 'atuwa tasimana apwesa 'aene 'ida 'asa 'ai'aila ta'ebe'ebese.

2 Timoti 4:18

Be mwau maibo'adi 'ediyega 'Inapwana nina 'ida 'etoseyegu be 'ina 'ebeloina galewaya 'ena yalulugu. 'Enega tada tupu atae. Eimeni.

Maki 8:38

“'Abo'agu Tomota Natuna, ta 'abo yaita 'oyo manugu 'uomayamaya ta wate 'igu e'ita manuna 'uomayamaya be 'ueyaseyaseyegu 'epata gete to'umalidi ta sogasogalidi matadiya, ma'etamo yada eyaseyaseyo, tuta nina Tamagu 'ina esaesa tuyatuyayalina 'enega yaila limanama, ta wate aneloseyao ma'egwao.

Guinuwa 7:32

'igwae, ‘'Abo'agu tubumwao, taudi Ebelaamo be Aisake be Yekobe, 'idi Yaubada.’ Ta Mosese 'ina matautega 'idededela, ta geya nuwana 'ida dune.

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Maki 12:26

“Lowaenei Yaubada Mosese 'ieonena toololimana manuna, 'abo Buki Tabu wasawai wada 'italoba. Manuna tuta nina Mosese mitawaya 'itautauya ta Yaubada kaiwe sabelulu 'enega Mosese nina 'ieonena, 'igwae, ‘'Abo'agu Ebelaamo 'ina Yaubada ta Aisake 'ina Yaubada ta Yekobe 'ina Yaubada.’

Luke 20:37

“Ta Mosese lowaenei 'ie'ita 'ai'ailida tomwawasa 'idi toolo limana manuna. Tuta nina Mosese mitawaya 'itautauya ta Yaubada kaiwe sabelulu 'enega 'ieonena, 'igwae, ‘'Abo'agu Ebelaamo be Aisake be Yekobe 'idi Yaubada’.

Ibeliu 10:34

Ta wate 'aidi deliya sisa'udi ga manudi wa'ate uyauya ga walemedi. Ta wate tuta nina tomota 'imi yageyao 'ediya si'anawala, wagwausowala 'ai'aila, manuna wamwalatonina 'aene galewaya 'imi yageyao bobo'ana wawasae ta miyamiya atayadi simiyami.

Ibeliu 11:40

manuna 'ebe gwausowala manuda Yaubada 'igimi simanena, be 'aene taudi ma'etamo ma'edao tada miya bobo'ana.

E'ita'ita 21:2

Ga 'asa 'esasena ya'itena, tauna Yelusalema auwauna, galewega 'imwa'umwa'utama Yaubada 'enega, ni'atu 'ieiyalina nadigega toai mewainena 'iiyala be mamwanena sida elobaloba.