Ibeliu 10:37 - Loina Tabu Auwauna NT

³⁷ Manuna tuta gidalina namo tauna Tomai nina 'ida apwesa, ta geya'abo wate 'iso'iso'i.

Ibeliu 10:37 Referans Kwoze

Luke 18:8

ta 'ina lema nina palupaluna tuga 'ida guinuwe 'ediya. “Ta mwa'adega 'omi wanuwena 'abo tuta nina 'abo'agu Tomota Natuna yailama bale'u gete 'ena, 'eisa tomota ma idi emisa yalobadi sitoolo pa'ala?”

E'ita'ita 22:20

Ona gete 'ana tosimana 'igwae, “Tamo! Gete be yawawa.” “Nadigega 'inapwana, 'uda ma, 'oyo Yesu.”

2 Pita 3:8

Gosegwao, 'ebweu wate yage wada nuwa'i'isi, 'aene 'Inapwana 'enaya 'asiyata 'ebweuna 'atuwa yakwala tausani 'edaya, ta yakwala tausani 'enaya 'atuwa 'asiyata 'ebweuna.

Madiu 11:3

ga sienaidena, sigwae, “Mwa'adega 'oyo To'etoseyana nina manuyo 'ayamwayamwa nai mali tai wate 'ada yamwa?”

Pilipai 4:5

'Ilobwenena be tomota maibo'adi 'imi e'alama'i'ita sida mwalamwalatoni, manuna 'iabe 'Inapwana 'iila limanama.

Ibeliu 10:25

'Aidi gosedao tapwalolo 'ana deliegogona sinuwa pupulena, ta geya'abo 'omi nadigega, ta esi tuta maibo'ana wada giepa'alimi, be 'abo to tuta wamwalatonina 'aene Yesu 'ina ilalimanama selabenaya wada elemalema 'ai'aila, 'imi deliegogona 'ediya.

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.