Ibeliu 10:28 - Loina Tabu Auwauna NT

²⁸ Lowaenei 'abo 'ebweu yaita Mosese 'ina loinao 'ile'oadi, be tosimana 'eluwa nai 'etoi 'ina bubuna sisimana apwesei, 'etamo geya'abo si'ate'atenuwa 'ole'oleye ta esi siloemwawasi namo tuga.

Ibeliu 10:28 Referans Kwoze

Ibeliu 2:2

Lowa aniloseyao Yaubada 'ina ona sisimanena tomota 'ediya, ta ona nina ona 'ai'aila, 'enega 'abo tomota nigeya simulimuliye 'idi to'umalinao 'ebweuna 'ebweuna 'ana e'isa siloba.

2 Kolinita 13:1

'Iabe yayausimi, nate 'etonina 'igu ayausa 'emiya. 'Eguma yaisigedi nuwanuwadi be gosedai 'ebweu 'ena sida etala, 'ilobwenena be tomota 'eluwa nai 'etoi sida simana leleleya 'ina loegesi manuna.

Yoni 8:17

Ta wate 'ida loina nidi 'eto'etoladidi 'ena sisimana 'aene 'eguma tosimana 'eluwa 'idi simana leleleya, nate simana 'ai'aila.

Madiu 18:16

Ta 'eguma geya nuwana be 'enayo 'inonoi, tomota 'ebweuna nai 'eluwa wate 'u'ewadi be ma'emiyao tasimuna 'enaya waona be 'ina to'umalina 'ana 'ai'aila 'ida nuwasabwaleni.

Yemesa 2:13

Manuna 'abo yaita nigeya gosenao 'i'ate'atenuwa 'ole'oleyedi, Yaubada nadigega geya'abo tai nina 'i'ate'atenuwa 'ole'oleye. Ta 'abo yaita to'atenuwa 'ole'ole, geya'abo Yaubada 'ina bwa'omatana 'imatamataute.

Loma 9:15

Manuna Mosese 'ina loina 'enaya, Yaubada 'igwae, “'Abo yaita nuwanuwagu be yaobobome yada obobome tuga, ta wate 'abo yaita ya'atenuwa 'ole'oleye, yada leme tuga.”

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.