Ibeliu 10:25 - Loina Tabu Auwauna NT

²⁵ 'Aidi gosedao tapwalolo 'ana deliegogona sinuwa pupulena, ta geya'abo 'omi nadigega, ta esi tuta maibo'ana wada giepa'alimi, be 'abo to tuta wamwalatonina 'aene Yesu 'ina ilalimanama selabenaya wada elemalema 'ai'aila, 'imi deliegogona 'ediya.

Ibeliu 10:25 Referans Kwoze

Guinuwa 2:42

ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Madiu 18:20

Manuna 'eguma 'ebweu sena 'enaya 'eluwa nai 'etoi tomota 'agu esanega simiya egogona, 'abo'agu wate gamwagamwanidiya yamiyami.”

1 Tesalonaika 5:11

'Enega 'ilobwenemi be taumimo wada lo'aetuetunemi ta wate wada elemalema, nate paisewa nidi nadigega gete tuga waguiguinuwa 'esedi.

Ibeliu 3:13

Ta gete tuga taumimo waelemalema 'asiyata 'ebweuna 'ebweuna 'ediya, be 'enega geya'abo bubuna to'umalina 'ena wakwanikwani be Yaubada 'enana waloguitoyase.

Ibeliu 10:24

'Ilobweneda wate be tauda tada elemalema be tada eobooboboma 'ai'aila be wate paisewa bobo'adi tada guinuwedi.

1 Kolinita 5:4

'Ana loina nina gete nadigega, deliegogona waguinuwe 'ida 'Inapwana Yesu 'ana esanega, ta 'igu nuwanuwa wate ma'emi, be 'Inapwana Yesu 'ina waiwaiyega,

1 Tesalonaika 4:18

'Enega tetela gete 'enega wada giegwausowalimi.

Guinuwa 2:1

Ga muliyega 'emasula 'ana esana Penitikosi 'ana 'asiyata 'enaya Yesu 'ana toemisao maibo'adi ni'atu sideli egogonama,

Guinuwa 20:7

Wiki 'ana gimi 'asiyata 'ena maibo'ama 'adeli egogona beledi gitogitomwana 'ana 'ebe nuwa'i'ita sabi guinuwena, ga Paulo 'iloguguya, manuna mali 'asiyataya 'ina tuta tauya. Ta 'ina ona guguya nina 'iloedudulina ga 'ana laba niuniuwanaya, ta tuwa tuga 'etamo 'iloguloguguya.

1 Kolinita 14:3

Ta 'eguma taloguguya tomota 'ediya, be 'ida ona 'enega sinuwa sabwalena, nate 'adi lema, 'atepatu be gwausowala manudi.

Loma 12:8

Ta 'abo yaita etaetapewana be gosenao tuta yauna 'igiewaiwaiyedi, nadigega 'ida guinuwa'esa. Ta 'abo yaita tuta yauna 'i'ebwa'ebwaya daita, ma ina 'atetagwala 'ida guinuwa nadigega. Ta 'abo toanuganao paisewa 'ilobwenedi, sida paisewa tuga. Ta wate 'abo yaita 'ina 'atenuwa 'ole'oleyega gosenao 'ilemelemedi, ma ina gwausowala 'ida guinuwa.

Pilipai 4:5

'Ilobwenena be tomota maibo'adi 'imi e'alama'i'ita sida mwalamwalatoni, manuna 'iabe 'Inapwana 'iila limanama.

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

Yemesa 5:8

'Enega 'omi wate nadigega wada 'alama'i'itana ma imi 'atepatu, manuna 'iabe 'ida 'Inapwana 'iila limanama.

1 Kolinita 14:23

'Enega 'abo'ada toekalesiyao 'abo tapwalolo manuna tadeli egogonama be mali 'enanao 'ediyega taonaona, be 'aidi taudi nigeya Yesu 'ana toemisao silulugu be 'enada kwanikwanidi sinonodi, nai sida nuwanuwa 'aene taekabaleya, aga?

Yude 1:19

Toto'umalina nidi bubuna bale'u simulimuliye, 'enega toekalesiyao 'adi toweyala, manuna Yaluyaluwa Tabuna nigeya 'ediya 'imiyami.

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

1 Pita 4:7

Ta ni'atu be yage maibo'ana sigugumwala. 'Enega wa'ita'i'isimi be geya'abo walo'ame'ame, ta esi tuta yauyauna wada sidasida Yaubada 'ena.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

1 Kolinita 11:20

Ta wate 'imi deliegogona 'ediya 'abo 'inapwana 'ina 'e'ai tabu wae'ani 'ana 'ita nigeya bobo'ana,

1 Kolinita 3:13

'Enega ma'etamo bwa'omatana 'ana 'asiyata 'enaya, 'ida 'Inapwana 'idi anuwao nidi 'idadadi be 'ida toodi, nai bobo'adi nai to'umalidi.

Guinuwa 16:16

Mali 'asiyata 'ena 'atautauya sena nina 'ebe lotapwalolo nina 'ena, ga 'aina 'inapwanao 'idi 'ali'ei gomagweine 'alobena, tauna yaluyaluwana nabwanabwasuwana 'enega sawesawenaya 'igimi simanedi to'ase ma'etamo 'ida apwesa, ta 'ina guinuwa gete 'enega gomagweine nina 'ina 'inapwanao mani sinabwana si'ewa'ewa tomota 'ediyega.

Madiu 10:15

Ona'ai'aila, ma'etamo bwa'omatana 'ana tuta 'enaya, taudi 'asa nidi siguitoyasemi loina sinabwa wawasae siloba, ta nigeya nadigega me Sodoma be me Gomola 'adi loina.

Yoni 12:48

Manuna 'abo yaita nai 'oyo 'uguitoyasegu, ta wate 'igu ona 'uguitoyasedi, ma'etamo tuta 'ana 'ebe losalowa 'enaya loina 'uloba, nigeya 'abo'agu 'eguyega, ta esi manuna 'igu ona nina 'uguitoyasena.

Ibeliu 10:37

Manuna tuta gidalina namo tauna Tomai nina 'ida apwesa, ta geya'abo wate 'iso'iso'i.

Ibeliu 13:22

Gosegwao, 'imi leta gete kukupana tuga ta yasida 'emiya be ma imi 'alama'i'ita 'igu loguguya gete wada nono.