Ibeliu 1:9 - Loina Tabu Auwauna NT

⁹ Bubuna bobo'ana nuwayo 'i'ewena ta to'umalina 'amu gadilulu. 'Enega 'imu Yaubada ni'atu 'ieoloimu gwausowala 'ai'aila 'enega, ta 'imu gwausowala gosemwao 'idi gwausowala 'isinabwa sinena.”

Ibeliu 1:9 Referans Kwoze

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

Pilipai 2:9

'Enega Yaubada Yesu 'igitu'eyena ta 'ana esana wate 'igitu'eyena esana maibo'ana etanidiya,

Epeso 1:3

Gosegwao tada lokagutoki Yaubada 'enaya, tauna 'ida 'Inapwana Yesu Keliso Tamana, ga Keliso 'enega yaluyaluwada 'iobobomedi esaesa galewa maibo'adi 'ediyega.

1 Kolinita 1:9

Ona'ai'aila Yaubada ma 'ana emisa sinabwana, manuna 'ibwauyemi ga natuna, tauna 'ida 'Inapwana Yesu Keliso, ma'emi waegosigosiyana.

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Yoni 1:41

Anidulu 'ilomanini ga tasina 'ilobena ta 'ieonena, 'igwae, “Saimoni, ni'atu Mesaiya nina 'alobena.” (Mesaiya 'ana gibui Keliso, nate 'ena Gilisi, ta 'ana mwalatoi To'etoseyana.)

E'ita'ita 2:15

“Ta wate 'ebweu yage nigeya bobo'ana, nate 'aimi Nikoleitanio 'idi e'ita wamulimuliyedi.

2 Kolinita 11:31

Yaubada tauna 'Inapwana Yesu tamana tada tupu atae, ta tauna 'imwalamwalatonigu 'aene 'igu emwasala gete ona'ai'aila.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 4:27

“Ona'ai'aila, 'asa gete solanaya sideli egogonama sabi losaiya 'imu 'ali'ei 'esasena ta esiesinuwana, tauna Yesu 'enaya, taudi tolosaiyao nidi nate Elodi, be Ponitio Pailato, be me Yudia, be wate taudi nigeya me Yudia,

Yoni 3:34

Tai nina tauna Yaubada 'ietunenama, tauna Yaubada 'ina ona 'isimasimane, manuna Yaubada Yaluyaluwanega 'iloemaa 'ai'ailina.

Ibeliu 2:11

Yesu nina 'ada To'etoseyana ga 'abo'ada wate 'igie'esaseda, ta tauna be 'abo'ada Yaubada 'enega tamai, 'enega geya'abo Yesu 'iomayamaya manuda, ta esi 'i'awa'awa tasineda,

Yoni 10:17

“Tamagu 'ioboboma 'ai'ailigu manuna yawasigu yatagwalena be 'aene yamwamwawasa, 'enega ma'etamo yawasigu wate yada lobalimai.

Guinuwa 4:26

'Enega me bale'u 'idi kiniyao be toloinao sideli egogonama ga sigibubuna sabi losaiya 'Inapwana be 'ina Keliso 'ediya.’

Ibeliu 2:9

Ta Yesu esi ni'atu ta'itena, 'aene tuta kukupana namo 'ena 'imiyaebusi aniloseyao 'ubunidiya, ta muliyega 'ana 'amayaba be 'ana tupu sinabwana 'ilobedi 'ina 'elouya be 'ina mwawasa 'ediyega. Nate Yaubada 'ina oboboma 'edaya, manuna Yesu mwawasa 'ana 'elouya 'ilotoona maibo'ada manuda.