Guinuwa 9:10 - Loina Tabu Auwauna NT

¹⁰ Ta Damasiko 'enaya, Yesu 'ana tomuliya 'ebweu 'imiyami, 'ana esana Ananayasi, ta 'ina 'enomata'ite'itega Yaubada 'ieonena, 'igwae, “Ananayasi.” Ta Ananayasi nina 'igwae, “O, 'abo'agu 'Inapwana.”

Guinuwa 9:10 Referans Kwoze

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

Guinuwa 10:3

Ta 'asiyata 'ebweu 'ena 'asuinuwanuwaya, Konilio nina 'ina 'enomata'ita'ita 'enega Yaubada 'ina anilose 'ebweu 'imeema 'enaya, ga 'i'ita 'ai'ailina, ta anilose nina 'igwae, “Konilio!”

Guinuwa 2:17

‘Yaubada 'ina simana gete nadigega 'igwae, “Ma'etamo tuta 'ana 'ebe losalowa 'enaya, yaluyaluwagu yada 'etosiwa tomota maibo'adi 'ediya, be natumiyao me'olotodi nai mewainedi sida loguguya, be 'imi tubuwauyao sida 'enomata'ita'ita, ta 'imi 'inapwanao sida madawala.

Guinuwa 9:9

Ga nada 'asiyata 'etoi 'ediya nigeya to'ase 'ida 'itena, ta nigeya 'ida 'e'ai, ta nigeya 'ida numa.

Guinuwa 11:5

“Lowa 'abo'agu Yopa 'ena yamiyami ta yasidasida Yaubada 'ena, ga 'enomata'ita'ita, 'enega 'ebweu yage ya'itena 'atuwa kaleko sinabwana ta tupitupinao ata 'ediyega sietabetabe mwa'utenama 'eguya.

Guinuwa 12:9

ga 'iapwesa ta Pita 'imuliyena ta 'inuwena 'aene 'imadamadawala, ta nigeya 'imwalamwalatoni 'aene anilose nina 'ina guinuwa yage 'ai'aila.

Guinuwa 16:9

'Enega boiboiya si'eno'eno ga Paulo 'imadawala, ta 'ina madawala nina 'aene tai 'ebweu goma Masidonia 'i'itena, 'itoolo ta 'isidasida Paulo 'ena, 'igwaegwae, “'Uabalama Masidonia 'enaya be 'ulemema.”

Guinuwa 16:10

Paulo 'ina madawala nina 'enega 'amwalatonina 'aene Yaubada ni'atu 'ibwauyema be tetela bobo'ana 'ada loguguyae me Masidonia 'ediya, 'enega 'eda 'a'ebesa sabi abala Masidonia.

Guinuwa 18:9

'Enega boiboiya Paulo 'ina 'enomata'ite'itega 'Inapwana Yesu 'i'itena, ga Yesu 'igwae, “Paulo, geya'abo 'u'ate'ate sa'ala, ta tuwa tuga tetela 'uda simasimana apwesa, be geya'abo 'ulosalosa'u.

2 Kolinita 11:32

Lowa, Kini Aletasi 'ina tutaya toloina 'ebweu 'asa Damasiko 'ena 'itoowaiwai be ma ina tolosaiyao sida giyaigu,

Galetia 1:17

Nigeya yatautauya Yelusalema Keliso 'ana gimi tosimanao 'ediya, ta esi yatauya Alebia, ga nada yamiyami 'ana laba yaila limana Damasiko 'enaya.

Guinuwa 9:12

ga 'ebweu tai 'ana esana Ananayasi 'i'itena, 'imeemai sabi gitoona, be 'enega matana sida 'esasa limana.”