Guinuwa 5:26 - Loina Tabu Auwauna NT

²⁶ 'Enega Anuwa Tabu 'ana to'ita'i'ita ma ina toguinuwao siapwesa, ga tosimanao nidi sigiyaidi ga oonuwega sime'edi, manuna simatauta pwalu 'ediya, ta geya nuwadi be pwalu sigamwasowaledi, 'abona nai gulewega siloibwaibwadi.

Guinuwa 5:26 Referans Kwoze

Guinuwa 5:13

Ta boda yaudi 'idi matautega nigeya silugulugu toemisao nidi 'ediya, ta tomota maibo'adi toekalesiyao si'amayabedi sinabwana,

Guinuwa 4:21

'Enega si'ena pa'alidi ga muliyega sili'amidi. Manuna nigeya 'idi loegesi silobaloba be manuna e'isa mwauna sida 'ebwa'edi, ta sana boda maibo'adi Yaubada situpuna,

Guinuwa 5:24

Ta Anuwa Tabu 'ana to'ita'i'ita sinabwana be totaliyao sinabwadi tetela gete sinonona ga si'atesa'ala sinabwana, to'ase 'iabe 'iapwesa manuna.

Luke 22:2

Tuta nina 'ena totaliyao sinabwadi be loina 'ana toe'itao sinuwanuwa edaedadama mwa'adega be Yesu sigiyai 'ana loemwawasa manuna, ta nigeya sawesawediya manuna pwalu sinabwana simatautedi.

Luke 20:19

Gote 'ena totaliyao be loina 'ana toe'itao 'aina 'eda'eda si'ebesena be 'aene Yesu sida giyai, manuna simwalatonina 'aene taudi tuga manudi 'iona semalimali, ta esi nigeya sigiyagiyai manuna pwalu 'ediya simatauta.

Luke 20:6

Ta 'abo tagwae, ‘Tomota 'enega’, nate be boda gulewega siloibwaibwada, manuna tomota yaudi Yoni siemisena 'aene tauna 'ebweu palopita.”

Madiu 26:5

ta sigwae, “Geya'abo sagali solanaya Yesu tagiyagiyai, 'abona nai tomota sigamwasowaleda be silosaiya 'edaya.”

Madiu 21:26

Ta 'eguma tagwae, ‘Tomota 'enega’, nate be boda sigamwasowaleda manuna maibo'adi Yoni si'awa palopitaena.”

Madiu 14:5

Nate 'alena 'enega Elodi nuwanuwana be Yoni 'iloemwawasi, ta esi tomota yaudi Yoni si'awa palopitaena, 'enega Elodi 'imatauta ga nigeya Yoni 'iloeloemwawasi.

Madiu 26:58

Ta Pita 'edasolega Yesu 'imuliyena ga 'imai totaliya sinabwana 'ina 'asaya, ga 'ilugu anuwaya ta to'ita'i'itao ma'ediya simiyatowa be 'aene Pita nina Yesu 'ana loina 'ida nono.

Luke 22:4

'Enega Yudasa nina 'itauya totaliya sinabwadi be Anuwa Tabu 'ana to'ita'i'itao 'ediya ga ma'edi si'awagwae be 'aene mwa'adega Yesu 'itelesipupu'ese be sigiyai.

Guinuwa 5:22

'Enega sitauya ga deli kakaena si'itena, ta siilama,

Guinuwa 5:25

'Enega 'ebweu tai 'ediya 'imai ta 'ieonedi, 'igwae, “Tomota nidi deliya wasa'usa'udiya, ni'atu Anuwa Tabu solanaya sitootoolo, ta sie'ie'ita tomota 'ediya.”