Guinuwa 5:14 - Loina Tabu Auwauna NT

¹⁴ ga yau wawasae siemisa, ta 'enega silugu 'Inapwana 'ina bodao 'ediya, me'olotodi be wate mewainedi.

Guinuwa 5:14 Referans Kwoze

Guinuwa 2:47

ta Yaubada situputupu. Ta wate pwalu maibo'ana toemisao nidi si'awa bobo'anedi. Ga 'asiyata 'ebweuna 'ebweuna 'ediya Yaubada 'aina tomota wate 'i'eto'etoseyedi, ga toekalesiyao 'adi yau 'isinasinabwa.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Guinuwa 22:4

Ta emisa auwauna gete 'ana tomuliyao yaetalauwaledi, ga me'olotodi be mewainedi deliya yasa'u luguyedi, ta 'aidi yaloemwawasidi.

Guinuwa 9:42

Ga tetela 'i'elelewana sena Yopa maibo'ana 'ediya, 'enega tomota yaudi 'Inapwana Yesu 'ena siemisa.

Guinuwa 9:35

Ta tomota nidi Lida be Seloni 'adi tomiyanao si'itena, ga 'enega 'Inapwana Yesu 'ena sisanaila.

Guinuwa 9:31

Gote 'ena toekalesiyao me Yudia be me Galili be me Samelia senadiyao 'ediya simiya gwausowala, ta sipa'ala, ta ma idi 'amayaba 'Inapwana 'ena, ta Yaluyaluwa Tabuna 'ina 'ita'i'ita 'enega 'adi boda 'isinabwa.

Guinuwa 9:2

nuwanuwana 'ina letao 'ida 'etoladidi be 'ida tauyedi me Yudia 'idi deliegogonao Damasiko 'ena 'ediya, ta leta nidi 'ediyega 'aene 'eguma Yesu 'ina 'eda 'ana tomuliyao 'ilobadi, me'olotodi nai mewainedi, 'ida giyaidi be 'ida me'edi Yelusalema, sabi etalaedi. 'Enega leta nidi 'i'ewedi ga 'itauya.

Guinuwa 8:12

Ta muliyega Pilipi nina 'iapwesama ga tetela bobo'ana, To'etoseyana Yesu 'ana esana be Yaubada 'ina loina manudi, 'iloguguyaedi, ta siemisena, ga sibapitaiso, 'oloto be wate iine.

Guinuwa 8:3

Ta Saulo sa'i toekalesiyao 'ie'ediluluyedi ga manudi 'ilugulugu anuwa 'ebweuna 'ebweuna 'ediya, ta 'eguma toekalesiyao me'olotodi be mewainedi 'ilobalobadi, 'igiyaidi tuga, be deliya 'isa'u luguyedi.

Guinuwa 6:7

'Enega Yaubada 'ina ona 'iewaiwai tomota 'ediya, ga tomuliyao 'adi boda 'isinabwa wawasae sena Yelusalema 'enaya, ta totaliyao yaudi wate ona nina sinonona, ga Yesu siemisena.

Guinuwa 4:4

Ta sa'i 'idi loguguya pwalu nidi ni'atu sinonona ga tupwana yaudi siemisa, 'enega toemisa maibo'adi 'oloto 'adi sawasawa nadigega paibi tausani.

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Guinuwa 11:24

Manuna Banaba nina tai bobo'ana ga Yaluyaluwa Tabuna 'iloemaena ta ma ina emisa sinabwana 'Inapwana 'enaya. 'Enega 'ina loguguya 'enega tomota yaudi 'Inapwana siemisena, ga toekalesiyao 'idi boda 'isinabwa.

2 Kolinita 6:15

Wate nigeya sawesawenaya Keliso be Seitani ma'iyana siegosigosiyana. 'Eguma Keliso 'ena 'uemisaya, nigeya sawesawenaya tomota taudi nigeya siemiemisa ma'emwao waguinuwa leleleya.