Guinuwa 4:30 - Loina Tabu Auwauna NT

³⁰ Ta wate 'imu waiwaiyega tole'oasao 'uda giebobo'anedi, be 'imu 'ali'ei esiesinuwana, 'ana esana Yesu, 'enega we'iwe'iyayao be edeedede 'uda gieapwesedi.”

Guinuwa 4:30 Referans Kwoze

Guinuwa 4:27

“Ona'ai'aila, 'asa gete solanaya sideli egogonama sabi losaiya 'imu 'ali'ei 'esasena ta esiesinuwana, tauna Yesu 'enaya, taudi tolosaiyao nidi nate Elodi, be Ponitio Pailato, be me Yudia, be wate taudi nigeya me Yudia,

Guinuwa 3:6

Ta Pita 'igwae, “Nigeya 'ebweu wate 'igu manimo, ta oboboma nina 'eguya 'imiyami yada 'ebwa'eyo. To'etoseyana Yesu, tauna goma Nasaleta, 'ana esanega yaloineyo be 'utoolo be 'utatauya.”

Guinuwa 6:8

Ta Sitibeni nina ma ina waiwai, ta ma ina oboboma sinabwana, ga guinuwa 'ebe nuwaowana ta we'iwe'iyayao 'iguinuwedi tomota gamwagamwanidiya.

Guinuwa 5:12

Ta boda gamwagamwanidiya Yesu 'ana tosimanao nidi edeedede be yage 'ebe nuwaowana yaudi siguinuwedi. Ta maibo'adi 'idi 'ebe deliegogona Anuwa Tabu papena, tauna sieesena Solomoni 'ina 'aliupa.

Guinuwa 3:16

'Enega Yesu 'ana esanega tai gete ni'atu 'ibobo'ana limana. Tai gete wa'itena ta wamwalatoninaya, ta Yesu 'ana esana 'iemisena, 'enega ni'atu matamiya 'ibobo'ana 'ai'aila, ta 'iewaiwai.

Guinuwa 2:43

Ta maibo'adi Yaubada si'amayabena, ta tosimanao 'idi guinuwao 'ebe nuwaowana ta edeedede yaudi siguinuwedi.

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Guinuwa 4:10

'Enega nuwanuwama 'omi be me Isileli maibo'ami wada mwalatoni 'aene tai gete matamiya 'itootoolo 'ina bobo'ana Yesu Keliso 'enega, tauna goma Nasaleta, kelose 'ena waloemwawasina, ta Yaubada 'igietoolo limena.

Yoni 4:48

Ga Yesu tai nina 'ieonena, 'igwae, “Nigeya 'ebweu 'omi 'emiyega 'ida emisegu, nate namo 'eguma 'igu paisewa waiwaina 'ana we'iwe'iyaya wa'ita, be 'enega wada emisegu.”

Guinuwa 3:13

ta esi Yaubada 'ina waiwaiyega, tauna Ebelaamo be Aisake be Yekobe 'idi Yaubada, ta tubudao 'idi Yaubada, ga ni'atu Yaubada 'ina 'ali'ei Yesu 'ana esana 'igitu'eyena, tauna lowa Pailato nuwanuwana be 'ili'ami, ta 'omi waeyaseyaseyena, ga wa'awa to'umaliyena Pailato matanaya.