Guinuwa 3:19 - Loina Tabu Auwauna NT

¹⁹ 'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 3:19 Referans Kwoze

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Madiu 18:3

ta 'ieonedi, “Yaona'ai'aila yaisigedi 'omi 'eguma 'imi nuwamwa'uta gwama gete nadigega, 'omi toloetana Yaubada 'ina loina solanaya, ta 'abo nigeya wanuwanuwa'ebuni be gogama gidalidi nadigega, geya'abo sa'i walugulugu 'ina 'ebeloina 'enaya.

Madiu 13:15

Manuna tomota getedi 'idi nuwanuwao si'elokwani, ga tenadi 'itui, ta wate matadi 'ikebo. 'Abona nai matadiyega si'ita, ta tenadiyega sinono be sinuwa sabwalena, be 'eguya sida sanaila, be yagie bobo'anedi.’

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

Guinuwa 11:21

ta 'Inapwana 'igiewaiwaiyedi, ga tomota yaudi 'idi ona siemisena, ga sisanaila 'Inapwana 'enaya.

2 Pita 3:8

Gosegwao, 'ebweu wate yage wada nuwa'i'isi, 'aene 'Inapwana 'enaya 'asiyata 'ebweuna 'atuwa yakwala tausani 'edaya, ta yakwala tausani 'enaya 'atuwa 'asiyata 'ebweuna.

Guinuwa 28:27

Manuna tomota getedi 'idi nuwanuwao si'elokwani, ga tenadi situi, ta wate matadi sikebo. 'Abona nai matadiyega si'ita ta tenadiyega sinono, be sinuwa sabwalena, be 'eguya sida sanaila, be yagie bobo'anedi.’ ”

1 Pita 2:25

Ona'ai'aila, 'omi 'atuwa sipi loseloseyemi, ga ni'atu to'ita'i'ita sipi 'i'au'ewa limemi 'enaya, tauna yaluyaluwami 'ana to'ita'i'ita.

2 Tesalonaika 1:10

Manuna 'abo tuta nina 'imamai, 'ana tupu sinabwana 'ida loba 'ina guinuwao 'ebe nuwaowana manudi 'ana toemisao 'ediyega. Ta 'omi lowa tetelina 'a'ebwa'emi ga waemisena, 'enega ma'etamo 'omi ma'emao Yesu 'ina apwesama 'enaya tada tupu.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Luke 1:16

Be 'enega tauna me Isileli yaudi 'ida 'au'ewa limedima 'idi 'Inapwana Yaubada 'enaya.

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

Guinuwa 17:26

ga 'ebweuna tai 'ana esana Adama 'enega mali sena be mali sena tomotenidiyao 'imweluluida be tomota sida 'elelewana bale'u maibo'ana 'enaya, ga boda 'ebweuna 'ebweuna 'idi tuta be 'idi sena Yaubada 'iloinedi.

Guinuwa 15:3

'Enega toekalesiyao silokaiyoniyedi ga sena Pinisia ta Samelia siataonedi, ga 'idi sakowasi nina 'ena 'asa apwesa tomoteninao 'idi sanaila Yaubada 'ena sisimanena, ta Yesu 'ana toemisao 'asa 'ebweuna 'ebweuna 'ediya, simana gete sinonona, ga 'enega sigwausowala sinabwana.

Guinuwa 3:21

Tauna ni'atu galewaya 'itauya, be 'ida miyami 'ana laba yage maibo'adi 'ida giepaepaludi, nadigega Yaubada 'ina palopitao lowaenei sigimi simanena.

Guinuwa 1:6

'Ebweu tuta Yesu ma 'ina tononoyao simiya egogona, ta sienaida 'enaya, sigwae, “'Inapwana, sawesawenaya be gete tuga 'abo'ada me Isileli 'uanuganeda be taudamo taloina limaneda?”

E'ita'ita 21:4

be mataseludi 'ida lo'i'ilidi, manuna geya'abo wate mwawasa nai 'elouya nai dedoi 'ediya 'iapweapwesa, manuna miya kadekadelina ni'atu 'igumwala.

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Guinuwa 3:20

be wate To'etoseyana nina, tauna 'igimi esinuwena, 'ida etune 'emiya, nate Yesu.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Luke 22:57

Ta Pita 'ieyaseyase, 'igwae, “Waine, nigeya yamwalamwalatoni yaita tauna manuna 'uonaona.”